ජාත්‍යන්තර මූල්‍ය අරමුදලේ වැඩසටහනේ දී ශ්‍රී ලංකාවට අවශ්‍ය සහය ලබාදෙන බව ඉන්දීය විදේශ අමාත්‍ය එස්.ජයශංකර් මහතා පවසනවා.
තායිලන්තයේ චුලාලොන්කෝන් විශ්ව විද්‍යාලයේ පැවති දේශනයකදී ඉන්දීය විදේශ අමාත්‍යවරයා මේ බව සඳහන් කර තිබෙනවා.
ඉන්දීය විදේශ අමාත්‍යවරයා එහිදී වැඩිදුරටත් ප්‍රකාශ කර ඇත්තේ ශ්‍රී ලංකාව මුහුණ දී ඇති අර්බුදකාරී තත්ත්වයෙන් ගොඩඒම සඳහා ඉන්දියාව සිය උපරිම සහාය මේ වනවිට ලබාදී ඇති බවයි.
මේ අතර, මෙම වසරේ පමණක් ශ්‍රි ලංකාවට අමෙරිකානු ඩොලර් බිලියන 3.8 ආධාර ලබාදීමට කටයුතු කර ඇති බව ද ඔහු එහිදී සඳහන් කර තිබෙනවා.
