ශ්රී ලංකා නිදහස් පක්ෂයේ වැඩබලන සභාපති ලෙස අමාත්ය නිමල් සිරිපාල ද සිල්වා තේරී පත්ව තිබෙනවා.
ශ්රී ලංකා නිදහස් පක්ෂයේ විශේෂ දේශපාලන මණ්ඩල රැස්වීමක් ශ්රී ලංකා පදනම් ආයතනයේ දී අද (08) පෙරවරුවේ පැවති අතර, එහිදී මෙම තීරණය ගෙන ඇති බව සඳහන්.
නිමල් සිරිපාල ද සිල්වා එම පක්ෂයේ ජ්යෙෂ්ඨ උප සභාපතිවරයෙක් ලෙස කටයුතු කළ අතර, පක්ෂයේ සභාපති තනතුරේ හිටපු ජනාධිපති මෛත්රීපාල සිරිසේන කටයුතු කළා.
කෙසේ වෙතත් සභාපති හිටපු ජනාධිපති මෛත්රීපාල සිරිසේනට එම තනතුරේ කටයුතු කිරීම වළක්වාලමින් කොළඹ දිසා අධිකරණය පසුගිය 04 වනදා නිකුත් කළ වාරණ නියෝගයත් සමගයි.
හිටපු ජනාධිපතිනි චන්ද්රිකා බණ්ඩාරනායක කුමාරතුංග ගොනු කළ පෙත්සමක් විභාගයට ගනිමින් අධිකරණය මෙම නියෝගය නිකුත් කළා.
අදාළ නියෝගයෙන් පසු අමාත්ය මහින්ද අමරවීර ඇතුළු නිදහස් පක්ෂ ජ්යෙෂ්ඨයින් පිරිසක් ඩාර්ලි පාරේ පිහිටි නිදහස් පක්ෂ මූලස්ථානයට පැමිණ මාධ්ය හමුවක්ද පවත්වනු ලැබුවා.
පවතින තත්ත්වය යටතේ නිදහස් පක්ෂ මූලස්ථානයට පොලිස් ආරක්ෂාව සපයනු ලැබුවේ එහි ලිපිලේඛන රැසක් අතුරුදන්ව ඇති බවට දුෂ්මන්ත මිත්රපාල සිදුකළ පැමිණිල්ලකට අනුවයි.
මෙවැනි තත්ත්වයක් තුළ ශ්රී ලංකා නිදහස් පක්ෂයේ විශේෂ දේශපාලන මණ්ඩල රැස්වීම අද (08) පෙරවරුවේ ශ්රී ලංකා පදනම් ආයතනයේ දී කැඳවා තිබුණා.
ඒ, පක්ෂයේ ජ්යේෂ්ඨ උප සභාපති අමාත්ය නිමල් සිරිපාල ද සිල්වා විසින්.
එම පක්ෂයේ අනුශාසක හිටපු ජනාධිපතිනි චන්ද්රිකා බණ්ඩාරනායක කුමාරතුංග ද මෙම දේශපාලන මණ්ඩල රැස්වීම සඳහා පැමිණ සිටියා.
