පූර්ණ ශ්රවණාබාධිත පුද්ගලයන් සඳහා සැහැල්ලු වාහන රියදුරු බලපත්ර ලබාදීම සඳහා වන නියමු ව්යාපෘතිය ගම්පහ දිස්ත්රික්කයෙන් ආරම්භ කර තිබෙනවා.
එම පිරිසට සැහැල්ලු වාහන රියදුරු බලපත්ර ප්රදානය කිරීම සිදු කෙරුණේ ප්රවාහන රාජ්ය අමාත්ය ලසන්ත අලගියවන්න මහතාගේ ප්රධානත්වයෙන්.
පූර්ණ ශ්රවණාබාධිත පුද්ගලයින් සඳහා සැහැල්ලු වාහන රියදුරු බලපත්ර ලබාදීම සඳහා නියමු ව්යාපෘතියක් ක්රියාත්මක කිරීමට අදාළව ප්රවාහන අමාත්ය බන්දුල ගුණවර්ධන විසින් අමාත්ය මණ්ඩල සංදේශයක් 2022 ඔක්තෝම්බර් 27 දින ඉදිරිපත් කරනු ලැබුවා.
එහිදී යෝජනා වූ පරිදි විශේෂ වෛද්ය සහතිකයක් යටතේ පූර්ණ ශ්රවණාබාධිත පුද්ගලයින්ට රියදුරු බලපත්ර ලබාදීමටයි එකඟතාව පළවූයේ.
මෙම යෝජිත නියමු ව්යාපෘතිය ගම්පහ දිස්ත්රික්කය කේන්ද්ර කරගනිමින් 50ක කණ්ඩායමක් යොදා ගෙන සිදු කිරීමටත් යෝජනා කෙරුණා.
මෙම නියමු ව්යාපෘතිය ක්රියාත්මක කිරීම හා අධීක්ෂණය සඳහා බලය පැවරී ඇත්තේ මෝටර් රථ ප්රවාහන කොමසාරිස් ජනරාල්වරයා වෙතටයි.
එසේම මෙම නියමු ව්යාපෘතිය ක්රියාත්මක කරන කාලය තුළ එහි ප්රගතිය නියාමනය කිරීම සඳහා මෙහෙයුම් කමිටුවක් පත් කිරීමටත් යෝජනා වී තිබෙනවා.
මේ සදහා අමාත්ය මණ්ඩල අනුමැතිය ලැබුණු පසු ප්රවාහන රාජ්ය අමාත්යවරයාගේ අධීක්ෂණයෙන් හා මෝටර් රථ ප්රවාහන කොමසාරිස් ජනරාල්වරයාගේ මෙහෙයවීමෙන් නියමු ව්යාපෘතිය ගම්පහ දිස්ත්රික්කය කේන්ද්ර කර ගනිමින් ක්රියාත්මක වුණා.
මේ යටතේ ගම්පහ දිස්ත්රික්කයේ ශ්රවණාබාධිත පුද්ගලයින් 76 දෙනෙක් සැහැල්ලු වාහන රියදුරු බලපත්ර බලපත්ර ලබාගැනීම සඳහා ඉල්ලුම් කර තිබෙනවා.
ඉන් රියදුරු බලපත්රයට අදාළ ලිඛිත විභාගය හා ප්රායෝගික පරීක්ෂණ සමත් 44 දෙනෙකු වෙත රියදුරු බලපත්ර ප්රදානය කරනු ලැබුවා.
රාජ්ය අමාත්ය ලසන්ත අලගියවන්න ප්රකාශ කළේ දිවයින පුරා ශ්රවණාබාධියන් සදහා ජනවාරි පළමුවනදා සිට සැහැල්ලු වාහන රියදුරු බලපත්ර ලබාදීමට අවශ්ය වැඩපිළිවෙල මේ වනවිටත් සංවිධානය කර ඇති බවයි.
ඒ අනුව අගෝස්තු මස පළමු වනදායින් පසු ශ්රවණාබාධිතයන්ගේ නාමලේඛන ලබාගෙන, රියදුරු බලපත්ර ලබාගැනීමේ ක්රියාවලිය පිළිබඳ දැනුවත් කර වෛද්ය පරීක්ෂණය පවත්වා ලිඛිත විභාගය සඳහා ඔවුන් ඉදිරිපත් කිරීමට සැලසුම් කර තිබෙනවා.
දෙසැම්බර් මස අවසාන වනවිට ප්රායෝගික පරීක්ෂණය පවත්වා ජනවාරි පළමු වනදා සිට අනෙකුත් දිස්ත්රික්කවල ශ්රවණාභාදිතයින් සඳහා රියදුරු බලපත්ර ලබාදීම ප්රවාහන අමාත්යංශයත් ,මෝටර් රථ කොමසාරිස් දෙපාර්තමේන්තුවත් අවශ්ය මූලික ක්රියාමාර්ග ගෙන ඇතැයි සඳහන්.
