රියදුරු බලපත්රය ලබාගැනීම සඳහා පැමිණෙන ජනතාවට නුගේගොඩ පිහිටි ජාතික ප්රවාහන වෛද්ය ආයතනය මගින් මේ වනවිට මුද්රණ පිටපතක් ආකාරයෙන් වෛද්ය සහතිකය නිකුත් කරනු ලබනවා.
එලෙස මුද්රිත පිටපතක් ගෙන ඒමේ ක්රමවේදය විනිවිදභාවයෙන් තොරවන බවත්, අක්රමිකතා සිදුවන බවටත් අනාවරණය වී ඇති බැවින් එම අක්රමිකතා අවම කිරීම වෙනුවෙන් මාර්ගගත ක්රමවේදය භාවිත කළයුතු බව ප්රවාහන, මහාමාර්ග, වරාය සහ සිවිල් ගුවන්සේවා නියෝජ්ය අමාත්ය ජනිත රුවන් කොඩිතුවක්කු පවසනවා.
අමාත්යවරයා මෙම අදහස් පළ කළේ, ඊයේ (25) පස්වරුවේ ප්රවාහන, මහාමාර්ග, වරාය සහ සිවිල් ගුවන්සේවා අමාත්යාංශයට අයත් මෝටර් රථ ප්රවාහන දෙපාර්තමේන්තුවේ වේරහැර ශාඛාවේ සිදුකළ නිරීක්ෂණ චාරිකාවකට එක්වෙමින්.
මෙහිදී වැඩිදුරටත් අදහස් දැක් වූ නියෝජ්ය අමාත්ය ජනිත රුවන් කොඩිතුවක්කු,
“රියදුරු බලපත්රයක් කල් ඉකුත් වූ විට එය අලුත් කරගැනීමටත් වේරහැරට එන්න වෙලා තියෙනවා. එය ජනතාවට විශාල අපහසුතාවක්. වේරහැරට පැමිණීම අනිවාර්ය වෙලා තියෙන්නේ ඇඟිලි සලකුණු ලබාදීමට අවශ්ය නිසා පමණයි. තවත් මාසයක් වැනි කාලයක් තුළ මෙම ක්රමවේදයත් වෙනස් කරලා, රියදුරු බලපත්රයක් අලුත් කිරිමට වේරහැරට එන්නෙ නැතිව, පහසුවෙන් කරගත හැකි ක්රමවේදයක් අපි සකස් කිරීමට බලාපොරොත්තු වෙනවා. එහි මූලික කටයුතු මේ වනවිටත් ආරම්භ කරලයි තිබෙන්නේ”
මෙතරම් කාලයක් නොඉක්මවා විය යුත්තක්.
කෙසේ වෙතත් ස්තුතියි මිනිසුන්ගෙ අසීරුකම් ගැන අවධානය යොමු වීම ගැන
මෙය තවදුරටත් කල් නොයික්මවා ඉතා ඉක්මනින් කලයුතු අත්යවශ්ය කටයුත්තක්. රටක දියුනුවට කාර්යක්ෂමතාව අත්යවශ්යය මොහොතක මේ සම්බන්ධව කටයුතු කිරීම අනර්ගයි.
හොදයි හැකිඉක්මනින් කලයුතුයි