වේයන්ගොඩ හාරන නිධන් වළෙන් හමු වූ ගල කැබලි කිරීම ඇරඹේ

වේයන්ගොඩ, වඳුරව ප්‍රදේශයේ ඉදිවෙමින් ඇති මධ්‍යම අධිවේගී මාර්ගය ආසන්නයේ කැණීම්වල දී හමු වූ ගල් කුට්ටිය කොටස්වලට කැබලි කිරීම ආරම්භ කර තිබෙනවා.

ඒ, එම ගල් කුට්ටිය තුළ නිධන් වස්තු ඇතැයි මතු වූ සැකයක් මතයි.

නිධානයක් ඇති බවට පවතින සැකයක් මත අත්තනගල්ල මහේස්ත්‍රාත් අධිකරණයෙන් ලබාගත් නියෝගයකට අනුව මෙම ස්ථානයේ කැනීම් කටයුතු පෙරේදා (21) දිනයේ ආරම්භ කළා.

පසුගිය දින දෙක තුළ අඩි 30ක් පමණ යටට සිදුකළ කැනීම්වලින් පසුව එම ස්ථානයේ පොළොව අභ්‍යන්තරයේ තිබී විශාල ගල් කුට්ටියක් හමුවුණා.

මහජනතාව ඉදිරියේ සිදු කෙරෙන මෙම කැනීමට රජයේ රස පරීක්ෂකවරයාගේ ද සහාය ලබාගෙන තිබෙනවා.