ශ්රී ලංකා නාවික හමුදාව, පොලීසිය හා එක්ව ඊයේ (04)දින කල්මුණේ ප්රදේශයේ සිදුකළ ඒකාබද්ධ සෝදිසි මෙහෙයුමක් මඟින්, වලංගු බලපත් නොමැතිව අලෙවි කිරීම සඳහා සූදානම් කල වේදනා නාශක ඖෂධ පෙති 5033ක තොගයක් ළඟ තබා ගෙන සිටි සැකකරුවෙක් අත්අඩංගුවට ගෙන තිබෙනවා.
ඒ අනුව, ගිණිකොන නාවික විධානයේ ශ්රී ලංකා නාවික නෞකා දීඝායු ආයතනය, පෙරියනීලවනෙයි පොලීසිය හා එක්ව, 2024 අප්රේල් මස 04 වන දින කල්මුණේ ප්රදේශයේ සිදුකළ මෙම සෝදිසි මෙහෙයුමේදී එම ප්රදේශයේ සැකකටයුතු නිවසක් පරීක්ෂාවට ලක් කෙරුණා.
එහිදී එම නිවස තුළ වලංගු බලපත් නොමැතිව අලෙවි කිරීම සඳහා සූදානම් කර තිබූ වේදනා නාශක ඖෂධ පෙති ප තොගය සමඟ සැකකරු මෙලෙස අත්අඩංගුවට ගැනුණා.
මෙලෙස අත්අඩංගුවට ගත් සැකකරු 63 හැවිරිදි කල්මුණේ, මරදමුනෙයි 6 ප්රදේශයේ පදිංචිකරුවෙක්.
අත්අඩංගුවට ගත් සැකකරු සහ වේදනා නාශක ඖෂධ පෙති තොගය ඉදිරි නීතිමය කටයුතු සඳහා කල්මුණේ ආහාර හා ඖෂධ පරීක්ෂක කාර්යාලය වෙත භාරදීමට කටයුතු කර තිබෙනවා.
