වෙළඳපොළෙන් බිත්තර අතුරුදන් වෙලා මිල ඉහළට ගිය හැටි හෙළිවෙයි

මේ වනවිට වෙළඳපොළේ බිත්තර මිල ගණන් ඉහළ යෑමට හේතුව ඇතැම් බිත්තර ව්‍යාපාරිකයින් ශීතාගාර තුළ මහා පරිමාණයෙන් බිත්තර තොග රැස්කරගෙන සිටීම හේතුවෙන් බව සමස්ත ලංකා කුකුල් ව්‍යාපාරිකයන්ගේ සංගමය පවසනවා.

එම සංගමයේ සභාපති මාතලී ජයසේකර අද (19) මාධ්‍ය වෙත අදහස් දක්වමින් ඔහු මේ බව සඳහන් කළා.

“පසුගිය ජනාධිපතිවරණයේ දී බලාපොරොත්තු වුන විදියට බිත්තර අලෙවි වුණේ නැහැ මේ කට්ටියට බිත්තර ටික කඩිනමින් අලෙවි කරගන්න ඕන වුණා.ඒ තත්ත්වය නිසා බිත්තර ලක්ෂ පහ ගානේ එළියට දැම්මා. රුපියල් 20 ගානේ අලෙවි කිරීමට මේ කට්ටිය රුපියල් විස්ස ගානේ හොඳ බිත්තර එකතු කර ගත්තා. ඉදිරියට එන උත්සව සමයට වැඩිමිලට බිත්තර විකුණා ගැනීමට, දැන් මේ එන්නේ මැතිවරණ සමයක් මේ හේතුවෙන් වැඩිපුර බිත්තර භාවිත වෙනවා. බිත්තර වලට වැඩි ඉල්ලීමක් පවතිනවා. දෙසැම්බර් මාසේ එන උත්සව සාමය වෙනුවෙන් කේක් හදන්න වෙන්නේ නොවැම්බර් මාසේ එතකොට නොවැම්බර් මාසේ වැඩි වශයෙන් බිත්තර අලෙවි වනවා. නොවැම්බර් මාසේ බිත්තර අලෙවි කරන්න ඕන නිසා තමයි එක කිකිළික්වත් ඇති කරන් නැතිව ශීත ගබඩාවල බිත්තර ගබඩාකරන් ඉන්න අය බිතරවල මිල ඉහළ දාලා තියනවා රජය අපහසුතාවයට පත් කරන්න. අපි රජයෙන් කාරුණිකව ඉල්ලා සිටිනවා මේ බිත්තර ගබඩාවල තියෙන බිත්තර පාරිභෝගික අධිකාරියත් එක්ක ගිහිල්ලා වටලලා මේ අයට නිසි දඬුවම් දෙන්න.”