වෙසක් දිනය නිමිත්තෙන් බන්ධනාගාරගත සිරකරුවන්ට අමුත්තන් බැලීම සඳහා විශේෂ අවස්ථාවක් ලබාදීමට පියවර ගෙන තිබෙනවා.
ඒ අනුව හෙට (05) සහ 06 යන දෙදින රැඳවියන්ට මෙම අවස්ථාව හිමි වනවා.
සිරකරුවන්ගේ ඥාතීන් විසින් නිවසින් රැගෙන එනු ලබන ආහාර පාර්සලයක් හා රසකැවිලි එක් අයෙකුට ප්‍රමාණවත් පරිදි ලබා දීමට මෙන්ම බන්ධනාගාර නිතී රීතිවලට අනුකූලව නිසි සෞඛ්‍ය ආරක්ෂිත ක්‍රමවේදයන් අනුගමනය කරමින් අමුත්තන් පෙන්වීමේ කටයුතු සිදු කිරීමටත් දිවයිනේ සියළුම බන්ධනාගාර පහසුකම් සලසා ඇති බවයි බන්ධනාගාර දෙපාර්තමේන්තුව ප්‍රකාශ කළේ.
