කන්තලේ – වාන් ඇළ, මීගස්වැව අසල පැලක පසුගියදා පැවැත්වූ සාදයකින් අනතුරුව වෙරි මතින් සිය යතුරුපැදිය පදවාගෙන ගිය අයෙකු එම ප්රදේශයේ වැවකට පෙරළී ජීවිතක්ෂයට පත් ව තිබෙනවා.
මෙලෙස මියගොස් ඇත්තේ 40 හැවිරිදි දෙදරු පියෙක්.
මරණකරු එම ප්රදේශයේ ම පදිංචි ව සිටි කෝට්ටේ ගොඩගේ නිරෝෂන් කුමාර නමැති සිවිල් ආරක්ෂක භටයෙක් බවත් වාර්තා වනවා.
තම මිතුරන් සමග වාන්ඇළ – මීගස්වැව අසල පැලක දෙසැම්බර් 31 රාත්රියේ මත්පැන් සාදයක් පවත්වා ඇති අතර එය අවසන් වී ඊයේ දිනයේ දී නිවසට පැමිණෙමින් සිටියදී මෙම අනතුර සිදු ව තිබෙනවා.
කෙසේවෙතත් ඔහු පෙරේදා දිනයේ දී ජීවිතක්ෂයට පත් ව ඇති බවට සැක කෙරෙන අතර දෙදින නිවසට නො ආ බැවින් ප්රදේශවාසීන් සහ නිවැසියන් ඔහු ව සොයා බලා තිබෙනවා.
එහිදියි ඔහුගේ සිරුර වැවේ පාවෙමින් තිබියදී සොයාගෙන ඇත්තේ.
කන්තලේ වැඩබලන මහෙස්ත්රාත් ජී.ජී. මේනකා දමයන්ති මහත්මිය ඉදිරිපිට ඊයේ සවස මළසිරුර ගොඩගැනුණා.
මෙම සිදුවීම සම්බන්ධයෙන් කන්තලේ මූලස්ථාන පොලීසිය වැඩිදුර පරීක්ෂණ සිදු කරනු ඇති.
