යුක්තිය මෙහෙයුම 02 යටතේ වෙරළබඩ පොලිස් වසමේ අද (04) අලුයම සිදුකළ මෙහෙයුමක දී හොරයින් සහ අයිස් මත්ද්රව්ය සමග පුද්ගලයන් 30 දෙනෙකු ඇතුළු තවත් විවිධ වැරදි හේතුවෙන් මුළු සැකකරුවන් 48 දෙනෙකු අත්අඩංගුවට ගත් බව වෙරළබඩ පොලිසිය පවසනවා.
අද අලුයම 5.30 පෙරවරු 8.30 දක්වා මෙම විශේෂ මෙහෙයුම පැවැත්වුණු බවයි අප ප්රාදේශීය වාර්තාකරු පැවසුවේ.
මත්ද්රව්යවලට අත්අඩංගුවට ගත් සැකකරුවන් 30 දෙනා හැරුණුකොට සෙසු සැකකරුවන්ගෙන් තිදෙනෙකු වරෙන්තු පිට පොලිස් අත්අඩංගුවට ගෙන ඇති අතර; තවත් සැකපිට 09 දෙනෙකු සහ පුනරුත්ථාපනය සඳහා පුද්ගලයන් 06 දෙනෙකු මෙලෙස අත්අඩංගුවට ගෙන ඇති බවයි පොලිසිය සඳහන් කළේ.
සිද්ධිය සම්බන්ධයෙන් වෙරළබඩ පොලිසිය පරීක්ෂණ පවත්වනවා.
මේ අතර යුක්තිය දෙවන මෙහෙයුමෙන් අම්බලන්ගොඩ පොලිස් වසමේ ද සැකකරුවන් 08 දෙනෙකු අත්අඩංගුවට ගෙන ඇති බව අප ප්රාදේශීය වාර්තාකරු පැවසුවා.
එම සැකකරුවන් අතර වරෙන්තුකරුවන් 5 දෙනෙකු ද, සැකපිට තිදෙනෙකු ද සිටින බවයි වාර්තා වන්නේ.
වැටලීම සිදු කරන අවස්ථාවේ දී සැකකරුවන් සන්තකයේ තිබී හෙරොයින් මිලිග්රෑම් 3150ක් ද අයිස් මත්ද්රව්ය ග්රෑම් 02ක් ද, තහනම් ආයුධ 02ක් ද පොලිස් භාරයට ගැනුණා.
මෙම සැකකරුවන් අතර පාසල් සිසුවෙකු අපහරණයකට ලක් කළ තිදෙනෙකු ද සිටින බවත් සඳහන්.
එමෙන්ම මත්ද්රව්යවලට ඇබ්බැහි වූවෙකු සහ ගෝඩා මිලිමීටර් 153,000ක් තබා සිටි අයෙක් ද මෙහෙයුමෙන් අත් අඩංගුවට පත් වූවන් අතරට අයත්.
