වෙන්නප්පුව – වෙල්ලමංකරය මුහුදු තීරයේ දිය නෑමට ගොස් අතුරුදන් වූ තිදෙනෙකුගේ සිරුර මේ වන විට (14) හමු වී ඇති නමුත් හලාවත දැදුරුඔයේ අතුරුදන් වූ තරුණයාගේ සිරුර මෙතෙක් හමු වී නොමැති බව පොලීසිය පවසනවා.
දසත ප්‍රාදේශීය වාර්තාකරු පැවසුවේ ඊයේ (13) සවස 5.00 ට පමණ මෙම අනතුර සිදු වී ඇති බවයි.
මුහුදේ දිය නෑමට ගිය සිව්දෙනෙකු මුහුදු රළ පහරට හසු වී අතුරුදන් වී ඇති බවයි වාර්තාකරු පැවසුවේ.
ඒ අතරින් බගවන්තලාව පදිංචි උදයකුමාර් නම් වූ 17 හැවිරිදි තරුණයෙකුව එම අවස්ථාවේදී ම බේරාගෙන 1990 ගිලන් රථයකින් මාරවිල
මූලික රෝහලට රැගෙන ගිය නමුත් ඔහු අතරමග දී මියගොස් තිබෙනවා.
අතුරුදන් වී සිටි සෙසු තිදෙනාගේ සිරුර සොයා ප්‍රදේශවාසීන් අද පෙරවරුවේ මෙහෙයුමක් දියත් කළා.
එහිදී බගවන්තලාවේ පදිංචිකරුවන් වූ පලස්තියන් සරත් රාජ් (අවු:17) සහ පලස්තියන් අජිත් කුමාර් (අවු:17) යන සහෝදරයින්ගේ සිරුර හමු වී තිබෙනවා.
ඔවුන් සමග දිය නෑමට ගිය වෙන්නප්පුව – වයික්කාල පදිංචිකරුවෙකු වන සෙල්ලමුත්තු සෙල්වරාජ් (අවු:53) යන අයගේ සිරුර මෙතෙක් හමු වී නැහැ.
මේ අතර,13 වැනිදා සවස හලාවත දැදුරුඔයේ දිය නෑමට ගිය පිරිසක් අතර සිටි මාතලේ – උඩස්ගිරිය පදිංචිකරුවෙකු වන කේ.පී.රවීන්ද්‍ර දිනේෂ් (අවු:27) යන අය දියේ ගිලී අතුරුදන් වී තිබෙනවා.
එම අයගේ සිරුර ද තවමත් හමු වී නැහැ.
නාවුක හමුදාව සහ ප්‍රදේශවාසීන් අතුරුදන් වී ඇති අයවලුන්ගේ සිරුර සොයා මෙහෙයුමක් දියත් කර තිබෙනවා.
