වෙන්නප්පුව මුහුදු තීරයේ දිය නෑමට ගිය තරුණයින් සිව්දෙනෙකු දිය පහරට ගසා ගෙන ගොස් අතුරුදන් ව තිබෙනවා.
දසත ප්‍රවෘත්ති අංශය වෙන්නප්පුව පොලිස් ස්ථානාධිපතිවරයාගෙන් සිදු කළ විමසීමක දී ඒ මහතා පැවසුවේ, දිය රළට හසුව ගසාගෙන ගිය එක් අයෙකු බේරාගෙන මාරවිල රෝහලට ඇතුළත් කෙරුණ ද ඔහු ජීවිතක්ෂයට පත් වූ බවයි.
සෙසු තරුණයින් තිදෙනාගේ සිරුරු මෙතෙක් සොයාගෙන නැහැ.
අද (13) පස්වරුවේ මෙම තරුණයින් පිරිස බගවන්තලාව ප්‍රදේශයේ සිට පැමිණ ඇති බවයි වාර්තා වන්නේ.
මෙම අනතුරට ලක් ව ඇත්තේ වයස අවුරුදු 17 – 21 අතර වයස් සීමාවල පසුවන්නන් බවත් පොලිසිය පවසනවා.
