වෘත්තීය පුහුණුව තුළින් නවෝත්පාදන සිදු කර එම නිර්මාණ වෙළෙඳපොළට ගෙන යා යුතු මාර්ගය සැකසිය යුතු බව අධ්යාපන අමාත්ය සුසිල් ප්රේම්ජයන්ත් පවසනවා.
එම මාර්ගය සැකසීමේ දී ගැහැනු – පිරිමි භේදයකින් තොරව අවස්ථාවන් ලබා දිය යුතු බවත්; ඊට හේතුව තාක්ෂණවේදය විෂයට දෙපාර්ශ්වයේ ම දැඩි උනන්දුවක් මේ වනවිට නිර්මාණය වී තිබීම බවත් අධ්යාපන අමාත්යවරයා පෙන්වා දෙනවා.
අධ්යාපන අමාත්යවරයා මේ බව සඳහන් කළේ; ශ්රී ලාංකික කාන්තාවන් සවිබල ගැන්වීමේ අරමුණින් ‘සිලෝන් විමෙන් සංවිධානය’ ඉදිරියේ දී මෙරට ක්රියාත්මක කිරීමට සංවිධානය කර ඇති ව්යාපෘති පිළිබඳ දැනුම්වත් කිරීමේ වැඩසටහනකට සහභාගී වෙමින්.
අමාත්යවරයාගේ ප්රධානත්වයෙන් කොළඹ හිල්ටන් හෝටලයේ පැවති මෙම වැඩසටහනේ දී සන්නාම තානාපතිවරුන් සඳහා පත්වීම් ලිපි ප්රදානය කිරීම ද සිදු වුණා.
මෙම අවස්ථාවට එම සංවිධානයේ ජාත්යන්තර නියෝජිත මෙල්කි පෙරේරා, එම සංවිධානයේ කැනඩා, ඔස්ට්රෙලියා, එංගලන්ත, ප්රංශ, ඉතාලි නියෝජිතයන් දඑක් වූ බවයි අධ්යාපන අමාත්යාංශ මාධ්ය ඒකකය නිවේදනයක් නිකුත් කරමින් පැවසුවේ.
