මෙරට තුළ සේවාවේ නියතු විශේෂඥ වෛද්යවරු රැසක් මේ වන විට ආර්ථික අපහසුතාවලට මුහුණ දී ඇති බවට රජයේ වෛද්යවරුන්ගේ සංගමය පෙන්වා දෙනවා.
සේවා ස්ථානය සහ සිය ස්ථිර පදිංචිය අතර පවතින දුරස්ථභාවය හේතුවෙන් ඇතැම් විශේෂඥ වෛද්යවරුන් හට දැඩි වියදමක් දැරීමට සිදු වන බවයි, රජයේ වෛද්යවරුන්ගේ සංගමය අද (15) මාධ්ය හමුවක් පවත්වමින් සඳහන් කළේ.
එම මාධ්ය හමුවට සහභාගී වූ විශේෂඥ වෛද්ය සංජීව තෙන්නකෝන් කියා සිටියේ, දැනට පවතින නීතිමය පසුබිම තුළ22/99 චක්රලේඛයේ අදාළ ප්රතිපාදන යටතේ විශේෂඥ වෛද්යවරුන් සඳහා ප්රවාහන පහසුකම් හෝ ප්රවාහන දීමනාවක් ලබාදීමට කටයුතු කළ හැකි වුවද, මේ සම්බන්ධයෙන් දීර්ඝ කාලයක් පුරා රජයේ වෛද්ය නිලධාරීන්ගේ සංගමය සිදුකර ඇති ඉල්ලීම්වලට ප්රමාණවත් ප්රතිචාරයක් ලැබී නොමැති බවයි.
ඒ අනුව, යෝජිත අයවැය තුළ විශේෂඥ වෛද්යවරුන්ට එම ප්රතිපාදන වෙන්කර දෙන ලෙස එම සංගමය වැඩිදුරටත් ඉල්ලා සිටිනවා.
