ශ්රී ලංකා නීතිඥ සංගමය, එහි සභාපති රජීව් අමරසූරිය සහ ලේකම් චතුර ගල්හේන හරහා, සබරගමුව විශ්වවිද්යාලයේ තාක්ෂණ පීඨයේ දෙවන වසරේ සිසුවෙකු වූ 23 හැවිරිදි චරිත් දිල්ෂාන් දයානන්දගේ ඛේදජනක නවකවදය සහ ඉන් අනතුරුව සිදු වූ සියදිවි නසාගැනීම සම්බන්ධයෙන් ශ්රේෂ්ඨාධිකරණයට මූලික අයිතිවාසිකම් පෙත්සමක් ගොනු කර තිබෙනවා.
2025 අප්රේල් 26 වන දින චරිත් දිල්ෂාන් ජ්යෙෂ්ඨ සිසුන් විසින් අඛණ්ඩ සහ මිලේච්ඡ නවකවදයට ලක් කරන ලද බවත්, එය ඔහුව අවමානයට ලක් කළ කම්පාසහගත සිදුවීමක් වූ බවත්, ඉන් පසුව ඔහු සියදිවි නසා ගැනීමෙන් මිය ගිය බවත් පෙත්සමේ සඳහන්.
සබරගමුව විශ්වවිද්යාලයේ බලධාරීන්, විශ්වවිද්යාල ප්රතිපාදන කොමිෂන් සභාව, පොලීසිය සහ අනෙකුත් අය නවකවදයට එරෙහි නීති ක්රියාත්මක කිරීමට සහ සිසුන් ආරක්ෂා කිරීමට අපොහොසත් වීම, මෙම ඛේදවාචකයට හේතු වූ බව පෙත්සම්කරුවන් චෝදනා කරනවා.
පෙත්සම මගින් පද්ධතිමය සහ ආයතනික අසාර්ථකත්වයන් ඉස්මතු කර දක්වන අතර, අපයෝජනයන් දිගින් දිගටම සවිබල ගැන්වෙන ආකාරයේ සංස්කෘතියක් ද ගොඩනැගී ඇති බව හුවා දක්වා තිබෙනවා.
නවකවදය පැමිණවීම මගින් නීතිය ඉදිරියේ සමානව සැලකීම සහ වධහිංසනයට හෝ ක්රෑර, අමානුෂික සැලකිල්ලකට භාජනය නොවීමට, ආණ්ඩුක්රම ව්යවස්ථාවේ 12(1) සහ 11 වගන්ති යටතේ ඇති මූලික අයිතිවාසිකම් උල්ලංඝනය කර ඇති බව එහි සඳහන්.
පෙත්සම්කරුවන් චරිත් දිල්ෂාන් වෙනුවෙන් යුක්තිය ඉල්ලා සිටින අතර, දිගු කලක් තිස්සේ ප්රමාද වී ඇති ව්යුහාත්මක ප්රතිසංස්කරණයක් ඉල්ලා සිටිනවා.
ඔවුන් ශ්රේෂ්ඨාධිකරණයෙන් ඉල්ලා සිටින්නේ; වගකිවයුතු නිලධාරීන් සහ ආයතන වගවීමට සැලැස්වීම, නවකවද විරෝධී නීති සහ විශ්වවිද්යාල රෙගුලාසි දැඩි ලෙස ක්රියාත්මක කිරීම, සිසුන් ආරක්ෂා කිරීම සඳහා නිශ්චිත මාර්ගෝපදේශ නියම කිරීම, සෑම සිසුවෙකුටම ගෞරවයෙන් හා ආරක්ෂිතව අධ්යාපනය ලැබීමට ඇති අයිතිය සලසාදීම යි.
ශ්රී ලංකා නීතිඥ සංගමය ගොනු කළ සම්පූර්ණ පෙත්සම මෙතැනින්..
