ශ්රී ලංකා විවාහක රූ රැජින ලෙස ඉෂාදි අමන්දා කිරුළු පැළඳුවා.
කොළඹ දී පැවැති අවසන් මහා තරගයේ දී ජය ලැබූ අමන්දා සමාජ මාධ්යවල පළ කර තිබුණේ මෙම ජයග්රහණය අමතක නොවන මොහොතක් බවයි.
මෙම ජයග්රහණය පිටුපස සිටින ප්රධානතම ආධාරකරුවන් දෙදෙනා වන්නේ තම සැමියා සහ දරුවා බව ද ඇය සඳහන් කර තිබෙනවා.
අධිෂ්ඨානය සහ සහයෝගය ඇතිව ඕනෑම දෙයක් කළ හැකි බවට මෙම ජයග්රහණය සාක්ෂියක් බවයි ඇය පැවසුවේ.
2022 වසරේ ලෝක විවාහක රූ රැජින ලෙස කිරුළු පැළඳු ඉන්දියාවේ Sargam Koushal අවසන් මහා තරගයේ ප්රධාන ආරාධිතයා වුණා.
මෙම අවස්ථාවට එක්ව සිටි හිටපු ලෝක විවාහක රූ රැජින වන රෝසි සේනානායක ප්රකාශ කළේ 1985 වසරේ තමන් ලෝක විවාහක රූ රැජින කිරුළ දිනූ පසුව සහ 2020 වසරේ කැරොලයින් ජූරි ජයග්රහණය කිරීමෙන් පසුව තවත් ලෝක රූ රැජින කිරුළක් දිනා ගැනීමේ හැකියාව ශ්රී ලංකාවට ඇති බවයි.
ඇය මෙරට සුප්රසිද්ධ ගායන ශිල්පී හෙක්ටර් ඩයස්ගේ බිරිඳගේ සහෝදරියක් බවටත් තොරතුරු වාර්තා වනවා.
