අමාත්ය වාසුදේව නානායක්කාර, හිටපු අමාත්යවරුන් වන විමල් විරවංශ සහ උදය ගම්මන්පිලට අග්රාමාත්ය මහින්ද රාජපක්ෂ මහතා විසින් ආරාධනාවක් සිදුකර ඇති බව දේශපාල ආරංචි මාර්ග සඳහන් කර සිටිනවා.
අග්රාමාත්යවරයා විසින් අද පස්වරු 7.00ට තමන් හමුවීමට අරලියගහ මන්දිරයට පැමිණෙන ලෙසට මෙම පිරිසට ආරාධනා කර ඇති බවයි වාර්තා වන්නේ.
අමාත්ය මණ්ඩලයේ සාමුහිකත්වය බිඳ දැමෙන ආකාරයේ ප්රකාශ සිදුකිරීම හේතුවෙන් විමල් විරවංශ සහ උදය ගම්මන්පිල යන අමාත්යවරුන් ගේ අමාත්යධුර අහෝසි කිරීමට ජනාධිපති ගෝඨාභය රාජපක්ෂ මහතා විසින් ඊයේ පියවර ගනු ලැබුවා.
එම තීරණයට විරෝධය පළකරමින් අමාත්ය වාසුදේව නානායක්කාර අද උදෑසන පැවති ප්රවෘත්ති සාකච්ජාවකට එක්වෙමින් කියා සිටියේ තමන් අමාත්ය ධුරයෙන් ඉල්ලා අස්නොවන බවත්, අමාත්ය ධුරයේ වැඩ කිරීමෙන් වැළකී සිටින බවයි.
මෙවන් පසුබිමකයි ඔවුන්ට තමන් හමුවීමට පැමිණෙන ලෙස අග්රාමාත්යවරයා ආරාධනා කර ඇත්තේ.
