ජාතික නිදහස් පෙරමුණේ නායක විමල් වීරවංශ ඇතුළු සිවිල් සංවිධාන නියෝජිතයින් පිරිසක් විසින් ඊයේ (12) දින ආරම්භ කර තිබූ අඛණ්ඩ සත්යග්රහය මේ වනවිට අවසන් කර තිබෙනවා.
06 ශ්රේණියට අදාළ අධ්යාපන ප්රතිසංස්කරණ ක්රියාත්මක කිරීම ලබන වසර දක්වා කල් දැමීමට රජය විසින් තීරණය කිරීමත් සමඟ මෙම සත්යග්රහය අවසන් කිරීමටයි තීරණය කර ඇත්තේ.
නව අධ්යාපන ප්රතිසංස්කරණ ක්රියාවලිය වහාම ඉල්ලා අස්කර ගන්නා ලෙසත්, අග්රාමාත්ය හරිනි අමරසූරිය අධ්යාපන අමාත්ය ධුරයෙන් ඉල්ලා අස්විය යුතු බවටත් බලකරමින් මෙම සත්යග්රහය ඊයේ (12) පෙරවරුවේ අධ්යාපන අමාත්යංශ ඉදිරිපිට ආරම්භ කළා.
කෙසේ වෙතත් අද (13) පෙරවරුවේ පැවති අමාත්ය මණ්ඩල තීරණය දැනුම්දීමේ මාධ්ය හමුවේ දී කැබිනට් මාධ්ය ප්රකාශක අමාත්ය නලින්ද පැවසුවේ, 06 ශ්රේණියට අදාළ අධ්යාපන ප්රතිසංස්කරණ ක්රියාත්මක කිරීම කල්දැමීමට රජය තීරණය කළ ද විමල් වීරවංශ හිටපු අමාත්යවරයා කරගෙන යන සත්යග්රහය නතර කිරීමට අවශ්යතාවයක් නොමැති බවයි.
