විමල්ගේ බිරිඳගේ පාස්පෝර්ට් නඩුවේ තීන්දුව අද

හිටපු අමාත්‍ය විමල් වීරවංශ ගේ බිරිඳ වන ශෂී වීරවංශට අදාල නඩු තීන්දුවක් අද ප්‍රකාශයට පත්කෙරෙනවා.

ආගමන විගමන දෙපාර්තමේන්තුව වෙත ව්‍යාජ තොරතුරු ඉදිරිපත් කරමින් රාජ්‍ය තාන්ත්‍රික ගුවන් ගමන් බලපත්‍රයක් සකස්කළ බවට චෝදනා ලැබූ ඇයට එරෙහි නඩු දෙකෙහි නඩු විභාග පසුගියදා අවසන් කෙරුණා.

ඒ අනුවයි එම නියෝග අද ලබාදීමට කොළඹ ප්‍රධාන මහේස්ත්‍රාත් බුද්ධික සී. රාගල මහතා පසුගිය පෙබරවාරි 11 වනදා නියම කර සිටියේ.

ශෂී වීරවංශ මහත්මිය 1967 වසරේ ඉපිද ඇති නමුත් එය 1971 දී උපත ලැබූ බවට වෙනස් කරගෙන ඇති බවත් රහස් පොලිසිය අධිකරණයට දැනුම් දී තිබුණා.

ඇය අදාළ උපන් දින දෙක යටතේම ජාතික හැඳුනුම්පත් ලබාගෙන ඇති බවද පොලිසිය අධිකරණය හමුවේ සඳහන් කලා.