එක්සත් ජාතීන්ගේ එවක මානව හිමිකම් කොමසාරිස් සෙයිද් අල්හුසෙන් කුමරු ශ්‍රී ලංකාවේ සංචාරය කළ අවස්ථාවේදී කොළඹ තුන්මුල්ලේ පිහිටි එක්සත් ජාතීන්ගේ කාර්යාලය ඉදිරිපිට මංමාවත් අවහිර කරමින් උද්ඝෝෂණය කිරීමේ සිද්ධිය සම්බන්ධයෙන් හිටපු අමාත්‍ය විමල් වීරවංශ ඇතුළු විත්තිකරුවන් හය දෙනෙකුට එරෙහි පවරා නඩුව ජුනි මස 23 වැනිදා දක්වා කල් තැබීමට කොළඹ ප්‍රධාන මහේස්ත්‍රාත් තනුජා ලක්මාලි මහත්මිය නියෝග කර තිබෙනවා.
එහිදී විත්තිය වෙනුවෙන් පෙනී සිටින ජනාධිපති නීතිඥවරයා අසනීප තත්ත්වයෙන් පසුවන බැවින් මෙම නඩුව වෙනත් දිනයක කැඳවන ලෙසයි ඔහුගේ කනිෂ්ඨ නීතිඥවරයා අධිකරණයෙන් ඉල්ලා සිටියා.
ඒ අනුව අදාළ නඩුව ජුනි මස 23 වැනිදා කැඳවන ලෙස මහෙස්ත්‍රාත්වරිය නියෝග කළා.
මෙම නඩුවේ සෙසු සැකකරුවන් ලෙස පියසරි විජේනායක, මොහොමඩ් මුසාමිල්, රොජර් සෙනෙවිරත්න, ඇතුළු පිරිසක් නඩුව කැඳවනු ලැබු අවස්ථාවේදී අධිකරණය හමුවේ පෙනී සිටියා.
