මල්වතු ඔය, පරංගිආරු, මහවැලි ගඟ, ගල් ඔය, කලා ඔය, මා ඔය, මදුරු ඔය, හැඩ ඔය, යාන් ඔය, විල ඔය, කනගරයන් ආරු සහ මුන්දෙනිආරු යන ගඟා ද්රෝණිවල පහත්බිම් වල වෙසෙන ජනතාවට ඉදිරි දින කිහිපය තුළ අවධානයෙන් පසුවන ලෙස වාරිමාර්ග දෙපාර්තමේන්තුව දැනුම් දෙනවා.
එමෙන්ම එම පහත් බිම්වල පිහිටි උසස් පෙළ විභාග මධ්යස්ථාන වෙත ගමන් කරන සිසුන් ද මේ සම්බන්ධයෙන් දැඩි සැළකිල්ලකින් පසුවන ලෙසයි වාරිමාර්ග දෙපාර්තමේන්තුවේ අධ්යක්ෂ එස්.පී.සී. සුගීශ්වර සඳහන් කළේ.
මේ අතර යම් ගංවතුර තත්ත්වයක් පැවතියහොත් උසස් පෙළ විභාගයට මුහුණ දෙන සිසු සිසුවියට එම විභාග මධ්යස්ථාන වෙත යෑමට ආරක්ෂක අංශ සහ දිස්ත්රික් පරිපාලන අංශවල සහාය ලබාගත හැකි බවයි අධ්යක්ෂවරයා පැවසුවේ.
ඒ වෙනුවෙන් ආපදා කළමනාකරණ මධ්යස්ථානය විසින් සියලු කටයුතු යොදා ඇති බව සඳහන් කළ අධ්යක්ෂවරයා, ගංවතුර පවතින ප්රදේශවල අනතුරුදායක ලෙස ගමන් කිරීමෙන් වැළකී සිටින ලෙසයි දන්වා සිටියේ.
