ශිෂ්‍යත්ව විභාගයේ ප්‍රශ්න කිහිපයක් පිටවීම හේතුවෙන් ළමයින්ට අසාධාරණයක් නොවන්න ශිෂ්‍යත්ව විභාගය නැවත පවත්වන ලෙස ඉල්ලමින් එම දරුවන්ගේ දෙමාපියන් විසින් අද (18) උදෑසන විභාග දෙපාර්තමේන්තුව ඉදිරිපිට උද්ඝෝෂණයක් පවත්වා තිබෙනවා.
එම හේතුවෙන් ඇති වූ උණුසුම්කාරී තත්ත්වය පාලනය කිරීමට කැරලි මර්ධන ඒකකයෙන් සහ ජල බ්‍රවුසරයක් ද ගෙන්වා ඇති බවයි වාර්තා වන්නේ.
එහිදී එම දෙමාපියන්ගේ ඉල්ලීම වී ඇත්තේ, ශිෂ්‍යත්ව විභාගයේ ප්‍රශ්න පත්‍රය අවලංගු කර අලුතෙන් ප්‍රශ්න පත්‍රයක් ඉදිරිපත් කරන ලෙසයි.
පසුව දෙමාපියන් අට දෙනෙකුට සහ නීතිඥවරයෙකුට විභාග කොමසාරිස් ජනරාල් හමුවීමට අවස්ථාව ලබා දී තිබුණා.
ජනතාව මෙහිදී විභාග කොමසාරිස්වරයාට ද දැඩි ලෙස චෝදනා එල්ල කර ඇති අතර මෙම උද්ඝෝෂණයට බස් රථ කිහිපයකින් සෙනග පැමිණි බවයි අප වාර්තාකරු සඳහන් කළේ.
