දහම් පාසල් අවසාන විභාගය පැවැත්වෙන ලබන 28 සහ 29 දිනවල පාසල්වල උසස් පෙළ පන්තිවලට සිසුන් තෝරා ගැනීමේ සම්මුඛ පරීක්ෂණවලට විභාග අපේක්ෂකයන් කැඳවා ඇත්නම් ඔවුන්ට අගතියක් නොවන ලෙසට කටයුතු කරන්නැයි විභාග කොමසාරිස් ජනරාල් අමිත් ජයසුන්දර මහතා විදුහල්පතිවරුන්ට දැනුම්දී තිබෙනවා.
නිවේදනයක් නිකුත් කරමින් කොමසාරිස් ජනරාල්වරයා සඳහන් කළේ බෞද්ධ, හින්දු, කතෝලික සහ අහදියියා දහම් පාසල් අවසාන විභාග 28 සහ 29 දෙදින දිවයින පුරා පැවැත්වීමට විභාග දෙපාර්තමේන්තුව සියලු කටයුතු සූදානම් කර ඇති බවයි.
දිවයිනේ ඇතැම් පාසල්වල 2025 වසර සඳහා උසස් පෙළ පන්ති සඳහා සිසුන් තෝරා ගැනීමේ සම්මුඛ පරීක්ෂණ ද මේ දිනවල පැවැත්වෙන බවට තොරතුරු වාර්තාවී තිබෙනවා.
ඒ අනුව එම දින දෙක තුළ කිසියම් විදුහලක උසස් පෙළ පන්තිවලට සිසුන් තෝරා ගැනීමේ සම්මුඛ පරීක්ෂණ සඳහා දහම් පාසල් අවසාන විභාගයට පෙනී සිටින අයදුම්කරුවන් කැඳවා ඇත්නම් එවැනි සිසුන්ට අගතියක් නොවන පරිදි සම්මුඛ පරීක්ෂණ සඳහා සුදුසු වෙනත් දිනයක් ලබාදීමට කටයුතු කරන ලෙසටයි විදුහල්පතිවරුන් දැනුවත් කර ඇත්තේ.
