මෙරට පවතින විදේශ විනිමය ගැටළුවට විසඳුමක් ලෙස දේශීය මධ්‍යසාර අපනයනය පිළිබඳව අවධානය යොමුව ඇති බව මුදල් රාජ්‍ය අමාත්‍ය රංජිත් සියඹලාපිටිය පවසනවා.
මෙරට දේශීයව නිපදවනු ලබන මත්පැත් පවිච්චි කරනු ලබන ලෝකයේ රටවල් 35ක් පමණ ඇති බවයි අමාත්‍යවරයා පැවසුවේ.
ඒ අනුව ඉල්ලුමක් සහිත දේශීය මධ්‍යසාර සඳහා නීත්‍යනුකූලව අවසරදීම විදේශීය විනිමට ගැටළුවට විසඳුමක් වනු ඇති බවයි ඔහු වැඩිදුරටත් සඳහන් කරන්නේ.
2021 වර්ෂය තුල දේශීය මත්පැන් අපනයනය කිරීම තුළින් ඩොලර් මිලියන 20ක අදායම උපයා ඇති බවත් එය 2022 වසර තුළ ඩොලර් මිලියන 21ක් දක්වා ඉහළ ගොස් ඇති බව රාජ්‍ය අමාත්‍යවරයා ප්‍රකාශ කර සිටියා.
සුරාබදු දෙපාර්තමේන්තුවේ 110 වැනි සංවත්සරය වෙනුවෙන් පසුගිය දා පැවැති උත්සවයට එක් වෙමින් අමාත්‍යවරයා මේ බව සඳහන් කළා.
එහිදී වැඩිදුරටත් අදහස් දැක්වූ රාජ්‍ය අමාත්‍යවරයා.
“විශේෂයෙන් ම කිතුල් රා සහ තල් රා සඳහා හොඳ ඉල්ලුමක් තියෙනවා. මේ රටේ ප්‍රසිද්ධ සමාගමක් මෑතකදි ඇහුවා රා සැණකෙළියක් පවත්වන්න. ඇත්තටම මම ඒ සඳහා සාකච්ඡාවකට දිනයකුත් වෙන් කළා. මේක විදේශිකයන් සඳහා පොල්, තල් සහ කිතුල් රා ප්‍රවර්ධනය කිරීමේ අරමුණෙන් කරන වැඩක්. පසුගිය දා අපි අවසර දුන්න සයිඩර් කියන බීම වර්ගය අපනයනය කරන්න. මේක නිර්දේශ කරන්නෙ මෙරට පළතුරුවලින් හදන බීමක් විදියට. අපේ පළතුරුවලටත් හොඳයි අපනයනයටත් හොඳයි. කිරි පොන්සා කියල තවත් ජාතියකට අවසර දුන්නා.”
