ත්රිරෝද රථයක් ප්රපාතයකට පෙරළී සිදු වූ අනතුරකින් විදේශිකයින් දෙදෙනෙක් තුවාල ලබා තිබෙනවා.
කොළඹ සිට නුවරඑළිය දක්වා විදේශිකයන් දෙදෙනෙක් ගමන් ගත් ත්රිරෝද රථයක් මෙලෙස අනතුරට ලක්ව ඇති බවයි අප වාර්තාකරු සඳහන් කළේ.
මෙලෙස අනතුරට ලක්ව ඇත්තේ ස්ලොවැකියානු ජාතිකයන් දෙදෙනෙක් ගමන් ගත් ත්රිරෝද රථයක්.
හැටන් – කොළඹ ප්රධාන මාර්ගයේ වටවල, කුයිල්වත්ත ප්රදේශයේ දී අද (26) පස්වරුවේ මෙම අනතුර සිදුව ඇති අතර,අධික වේගයෙන් ධාවනය කර ඇති ත්රිරෝද රථයේ වේගය පාලනය කරගත නොහැකිව මාර්ගයෙන් ඉවතට පැන ප්රපාතයකට පෙරළී මෙම අනතුර සිදුව තිබෙනවා.
තුවාලකරුවන් දෙදෙනාගේ තත්ත්වය බරපතල නොවන බවත්, අනතුරෙන් ත්රිරෝද රථයට දැඩි අලාභ හානි සිදු වී ඇති බවයි වටවල පොලිසියේ සඳහන් කළේ.
