චීන ධජය සහිතව දිවයිනට ආසන්නයේ යාත්රා කරමින් තිබූ නෞකාවක සිටි කාර්ය මණ්ඩල සාමාජිකයෙක්හට ඇති වූ හදිසි වෛද්ය ප්රතිකාර අවශ්යතාවයක් වෙනුවෙන් ගොඩබිමට රැගෙන ඒමට (MEDEVAC) ශ්රී ලංකා නාවික හමුදාවේ සහය හිමිව තිබෙනවා.
ශ්රී ලංකා නාවික හමුදාව කොළඹ, සමුද්රීය සෙවීම් සහ මුදාගැනීම් සම්බන්ධීකරණ මධ්යස්ථානයේ සම්බන්ධීකරණයෙන් මෙමං මෙහෙයුම සිදුවූ බව නාවික හමුදාව පවසනවා.
මෙරට සමුද්රීය සෙවීම් සහ මුදාගැනීමේ කලාපයට ආසන්නව, නාවික සැතපුම් 700ක් පමණ දුරින් මෙම නෞකාව යාත්රා කරමින් සිටියදී මෙම හදිසි අවස්ථාව පැන නැගී තිබෙනවා.
නෞකාවේ සිටි කාර්ය මණ්ඩල සාමාජිකයෙකුගේ සෞඛ්ය තත්ත්වය පිළිබඳව කොළඹ සමුද්රීය සෙවීම් සහ මුදාගැනීම් සම්බන්ධීකරණ මධ්යස්ථානය වෙත හදිසි ආපදා ඇමතුමක් ලැබී ඇති අතර ඒ අනුව වහාම නාවික හමුදාව ක්ෂණිකව ඒ සඳහා ක්රියාත්මක වූ බවයි නාවික හමුදාව සඳහන් කළේ.
කොළඹ සමුද්රීය සෙවීම් සහ මුදාගැනීම් සම්බන්ධීකරණ මධ්යස්ථානය විසින් අදාළ නෞකාව ගාල්ලේ වරාය සීමාව වෙත පැමිණීම සම්බන්ධීකරණය කරන අතරතුර, නාවික හමුදාව විසින් නෞකාවේ කාර්ය මණ්ඩලය වෙත අත්යවශ්ය මූලික වෛද්ය උපදෙස් ලබාදීමට කටයුතු කර ඇති අතර එම රෝගියා රැගෙන ඒම සඳහා දකුණු නාවික විධානයට අයත් යාත්රාවක් කඩිනමින් පිටත්කර තිබෙනවා.
ඒ අනුව, අද (27) උදෑසන එම රෝගියා ගොඩබිමට රැගෙන ඒමට නාවික හමුදාවට හැකිව ඇති බවයි නාවික හමුදාව විසින් මේ සම්බන්ධයෙන් නිකුත් කළ වාර්තාවේ සඳහන් වුණේ.
