වරාය, ගුවන් සේවා ප්රවාහන සහ මහාමාර්ග අමාත්ය බිමල් රත්නායක ඊයේ (25) පස්වරුවේ ශ්රී ලංකා සිවිල් ගුවන් සේවා අධිකාරියේ නිරීක්ෂණ චාරිකාව නිරත වුණා.
එම නිරීක්ෂණ චාරිකාවෙන් අනතුරුව අදහස් දැක්වූ අමාත්යවරයා පැවසුවේ පසුගිය වසර තුළ විදේශීය ගුවන් සේවා ආයතන ගණනාවක් ශ්රී ලංකා සිවිල් ගුවන් සේවා අධිකාරිය වෙත ගෙවිය යුතු බදු මුදල් ගෙවීම පැහැර ඇති බවට තොරතුරු අනාවරණය වූ බවයි.
එම බදු මුදල් අයකර ගැනීමට ක්රමවත් වැඩපිළිවෙලක් සකසන බව ද ඔහු මෙහිදී සඳහන් කර සිටියා.
එමෙන්ම ශ්රී ලන්කන් ගුවන් සේවයේ ගුවන් යානා තුනකට අවශ්ය එන්ජින් නොමැතිවීම නිසා, එම යානා ගුවන් ගත කිරීමට නොහැකිව නවතා තැබීමට සිදුව ඇති බවත්, ඒ වෙනුවෙන් පසුගිය වසර තුනක කාලය තුළ මසකට ඇමරිකානු ඩොලර් ලක්ෂ 09 බැගින් කල් බදු ගෙවා ඇති බවත් අමාත්යවරයා මෙහිදී අනාවරණය කර සිටියා.
පසු ගිය රජය විසින් එලෙස කටයුතු කර තිබුණේ ශ්රී ලන්කන් ගුවන් සේවය විනාශ කර වසා දැමීමේ අරමුණින් බවත් අමාත්ය බිමල් රත්නායක වැඩිදුරටත් අදහස් දක්වමින් පැවසුවා.
