විදුලිය ජනනයට සැපයෙන ඉන්ධන සඳහා අය කරන මිල ගණන් පිළිබඳ සවිස්තර වාර්තාවක් ලබාදෙන ලෙස මහජන උපයෝගීතා කොමිසම මඟින් ලංකා ඛනිජ තෙල් නීතිගත සංස්ථාවට දැනුම් දී තිබෙනවා.
ලංකා ඛනිජ තෙල් නීතිගත සංස්ථාවට ලිපියක් යොමුකරමිනුයි මහජන උපයෝගීතා කොමිසම මෙම දැනුම්දීම සිදුකර ඇත්තේ.
ඛනිජ තෙල් නීතිගත සංස්ථාව මඟින් ලබාදෙන එම වාර්තාව ද විදුලිය ගාස්තු සංශෝධනයට අදාළ කරුණු අධ්යනයට යොදාගැනීම අරමුණ බවයි එම කොමිසම සඳහන් කළේ.
මේ අතර විදුලි ගාස්තු සංශෝධනයට අදාළව විදුලි බල මණ්ඩලය ඉදිරිපත් කළ යෝජනාව සම්බන්ධයෙන් වන අධ්යයන කටයුතු ආරම්භ කර ඇති බව ද කොමිසම පවසා සිටියා.
