විදුලි ගාස්තු සංශෝධනය කිරීමට අමාත්ය මණ්ඩලය ගෙන තිබෙන තීරණය බලරහිත කරන ලෙස ඉල්ලා ගොනුකර තිබෙන පෙත්සම විභාගයට ගැනීමට අවසර දෙන්නේ ද නැද්ද යන තීරණය ලබන 17 වනදා ප්රකාශයට පත්කරන බව අභියාචනාධිකරණය නිවේදනය කළා.
විදුලි පාරිභෝගික සංගමය සහ පරිසර යුක්ති කේන්ද්රය විසින් එම පෙත්සම ඉදිරිපත් කර තිබුණා.
එම පෙත්සම අද (13) සෝභිත රාජකරුණා සහ ධම්මික ගනේපොල යන විනිසුරුවරුන්ගෙන් සමන්විත අභියාචනාධිකරණ විනිසුරු මඩුල්ල ඉදිරියේ කැඳවනු ලැබුවා.
එහිදී විදුලිබල මණ්ඩලය ඇතුළු වගඋත්තරකරුවන් වෙනුවෙන් පෙනී සිටි නියෝජ්ය සොලිසිටර් ජෙනරාල්වරිය විදුලි ගාස්තු සංශෝධනයට අදාළ අමාත්ය මණ්ඩල යෝජනා අධිකරණයට ඉදිරිපත් කළා.
ඉදිරිපත් වූ කරුණු සලකා බැලූ අභියාචනාධිකරණය අදාළ පෙත්සම විභාගයට ගැනීම සඳහා අවසර දෙන්නේ ද නැද්ද යන තීරණය ලබන 17 වනදා ප්රකාශයට පත් කරන බව දැනුම් දුන්නා.
ඔබේ ප්රතිචාරය කුමක්ද ?
+1
+1
+1
+1
+1
+1
+1
