2026 වසරේ දෙවන සහ තුන්වන කාර්තු සඳහා වන යෝජිත විදුලි ගාස්තු සංශෝධනය සම්බන්ධයෙන් වූ අවසන් තීරණය අද (09) දිනයේ ප්‍රකාශයට පත් කිරීමට නියමිතව තිබෙනවා.
මෙම වසරේ අවසන් වරට විදුලි ගාස්තු සංශෝධනයක් සිදුකරනු ලැබුවේ පසුගිය අප්‍රේල් මස පළවනදායි.
එහිදී සියයට 14.4ත් සියයට 8ත් අතර ප්‍රමාණයකින් විදුලි ගාස්තු ඉහළ දැමීමට පියවර ගත්තා.
මෙම වසරේ දෙවන සහ තුන්වන කාර්තු සඳහා විදුලි ජනනයට අදාළ පිරිවැය ඇස්තමේන්තුවක් ජාතික පද්ධති පාලන පුද්ගලික සමාගම විසින් පසුගිය මාර්තු 27 වනදා මහජන උපයෝගීතා කොමිසම වෙත ඉදිරිපත් කෙරුණා.
ලෝක වෙළඳපොළේ ඉන්ධන මිල ඉහළ යාම එම පිරිවැය ඇස්තමේන්තුව සංශෝධනය කිරීමට ප්‍රධාන හේතුව බව එහි සඳහන් වුණා.
ඒ අනුව මහජන උපයෝගීතා කොමිෂන් සභාව ගණනය කර තිබුණේ ජාතික පද්ධති පාලන පුද්ගලික සමාගමට රුපියල් බිලියන 38ක හිඟයක් පවතින බැවින් 18%ක විදුලි ගාස්තු ඉහළ නැංවීමක් සිදුකළ යුතු බවයි.
