ලබන මාසයේ සිදු කිරීමට නියමිත විදුලි බිලඅඩු කිරීමට සමගාමීව ජල ගාස්තුව ද අඩු කිරීමට බලාපොරොත්තු වන බව ජල සම්පාදන හා වතු යටිතල පහසුකම් පිළිබඳ කැබිනට් අමාත්ය ජීවන් තොන්ඩමන් මහතා පවසනවා.
මහනුවරදී මාධ්ය වෙත අදහස් දක්වමින් ඔහු කියා සිටියේ ජනතාවට හැකි උපරිම සහන ලබා දීමට රජය වශයෙන් පියවර ගන්නා බවයි.
“මින් ඉදිරියට ජල ගාස්තු සම්බන්ධයෙන් මිල සූත්රයක් හඳුන්වා දීමට අපි බලාපොරොත්තු වෙනවා. මෙමගින් ජනතාව පීඩනයට පත් කිරීමට අපි කටයුතු කරන්නේ නෑ. ජලය පිරිපහදු කිරීමට අවශ්ය ප්රධාන සාධකයක් තමයි විදුලිය. ඉතින් විදුලි බිල අඩු වෙනවා නම් අනිවාර්යෙන්ම ජල ගාස්තු අපි අඩු කරනවා. මේ වන විට ජනතාවට යම් ආර්ථික ගැටලු තිබුණත් ක්රම ක්රමයෙන් එම ගැටළු අඩුවේ යැයි අපි බලාපොරොත්තු වෙනවා” යනුවෙන් ඔහු ප්රකාශ කළා.
මේ අතර වත්මන් ජනපති රනිල් වික්රමසිංහ මහතා ඉදිරි ජනපතිවරණයට ඉදිරිපත් වන්නේ නම් කම්කරු කොංග්රසයේ සහාය අනිවාර්යයෙන්ම ලබා දෙන බව ද අමාත්ය ජීවන් තොණ්ඩමන් අවධාරණය කර තිබෙනවා.
“අපේ රට ආර්ථික වශයෙන් බංකොලොත් රටක් බවට පත්වූ අවස්ථාවේ වගකීම් භාර ගැනීමට බියෙන් සියලු දෙනා පසුපසට ගියත් එතුමා නිර්භයව අභියෝගය බාරගත්තා. දැන් එතුමා රට සංවර්ධන මාවතට රැගෙන යමින් පවතිනවා. අද ඉන්ධන, ගෑස් හෝ වෙනත් කිසිදු පෝලිමක් දකින්නට ලැබෙන්නේ නෑ. ජනතාවට යම් ආර්ථික ගැටලු තිබුණත් රට ඉදිරියට යනවා. තව කෙටි කලකින් මේ රට ආර්ථික වශයෙන් සමෘද්ධිමත් කරන්න වත්මන් ජනාධිපතිතුමාට හැකිවේ යැයි බලාපොරොත්තුවක් අපිට තිබෙනවා. වෙන කිසිදු පාලකයෙක් නොකළ ආකාරයෙන් වතුකරයේ ජනතාවගේ ජන ජීවිතය නගා සිටුවන්න එතුමා කටයුතු කර තිබෙනවා. වතුකරයේ ජනතාවගේ නිවාස, ඉඩම්, ඉඩම් ඔප්පු, සෞඛ්ය වගේම අධ්යාපන ගැටළු විසඳන්න එතුමා රුපියල් බිලියන 14ක මුදලක් වෙන් කර තිබෙනවා. මේ තත්ත්වය මත අපි වෙනත් අපේක්ෂකයකුට සහය දෙන්න අවශ්ය නෑ. අපේ සහය අපි වත්මන් ජනපති නිල් වික්රමසිංහ මහතාටම ලබා දෙනවා. එතුමා වැටුප් වැඩි කිරීම ඇතුළුව දමිළ ජනතාව වෙනුවෙන් අවශ්ය සියලු දේ වල් කරයි කියන විශ්වාසය අපිට තියෙනවා.”
