වස්කඩුව විදුලි මණ්ඩල පුද්ගලික සමාගමේ විදුලි කාර්මික ශිල්පියෙකු හා සහායක නිලධාරියෙකු වාද්දුව පොතුපිටිය ප්‍රදේශයේ නිවසක විදුලිය විසන්ධි කිරීම සඳහා ගිය අවස්ථාවේදී එම නිවසේ සිටි පුද්ගලයන් තර්ජනය කිරීම හේතුවෙන් නිවෙසේ විදුලිය විසන්ධි නොකර ඒ සම්බන්ධයෙන් පොලිසියට පැමිණිල්ලක් කර තිබෙනවා.
විදුලි බිල ගෙවීම ප්‍රමාද වීම හේතුවෙන් අදාළ නිවසේ විදුලිය විසන්ධි කිරීමට සඳහා එම සමාගමේ සාමාන්‍යාධිකාරීවරයාගේ නියෝග මත ගිය අවස්ථාවේදීයි නිවෙස් හිමියන් එම තර්ජනය කර ඇත්තේ.
නිවසේ සිටි පුද්ගලයන් 5 දෙනකු පමණ පිරිසක් මෙම නිලධාරීන්ට තර්ජනය කර ඇත්තේ විදුලිය විසන්ධි කළ හොත් පහරදෙන බවටයි.
වාද්දුව පොලිසියේ විවිධ පැමිණිලි අංශය වෙත මෙම පැමිණිලි යොමු කර ඇත්තේ කටුකුරුන්ද සහ අගලවත්ත ප්‍රදේශයේ පදිංචිකරුවන් දෙදෙනෙක්. අදාළ පැමිණිල්ල සම්බන්ධයෙන් පරීක්ෂණ ක්‍රියාත්මකයි.
