විදුලිබිල පහතට

විදුලි බිල අඩු කිරීමට රජය තීරණය කර තිබෙනවා.

ඒ අනුව මෙම විදුලි බිල් ගාස්තු සංශෝධනය සියයට 30කින් ඉදිරියේ දී සිදු වන බවයි විදුලිබල හා බලශක්ති අමාත්‍ය කංචන විජේසේකර පැවසුවේ.

විදුලි බිල් ගාස්තු සංශෝධනය එළඹෙන ජූලි 18 වැනි දා සිට ක්‍රියාත්මක වනු ඇති.

පසුගිය ජුනි මස 06 වැනි දා පාර්ලිමේන්තු සභා වාරයට එක් වෙමින් විදුලිබල අමාත්‍යවරයා කියා සිටියේ නුදුරු දිනක දී විදුලි බිලෙහි සංශෝධනයක් සිදු කිරීමට බලාපොරොත්තු වන බවත්; ඒ සම්බන්ධයෙන් තමන් කැබිනට් මණ්ඩලයට පවා යෝජනාවක් ඉදිරිපත් කර ඇති බවයි.

මෙම විදුලි බිල් සංශෝධනය කිරීම සඳහා මහජන උපයෝගීතා කොමිසමේ ද සහාය හිමිවනු ඇති බවයි එදින අමාත්‍යවරයා ප්‍රකාශ කර සිටියේ.

ඒ අනුව මෙම විදුලි බිල සංශෝධන මිල ගණන් සම්බන්ධයෙන් ජුනි මස 06 වැනි දින පාර්ලිමේන්තුවේ දී අමාත්‍ය කංචන විජේසේකර කියා සිටියේ; ඒකක 0 – 30ත් අතර ඒකකයක මිල රුපියල් 08 සිට 06 දක්වා ( රු:02කින්) ද, ඒකක 30 – 60 දක්වා රුපියල් 20 සිට 09 තෙක් ද (රුපියල් 11කින්), ඒකක 60 -90 දක්වා රුපියල් 30 සිට 18 දක්වා (රු: 12කින්) සහ ඒකක 90 -180 දක්වා රුපියල් 50 – 30 දක්වා රුපියල් 20ක මුදලකින් විදුලි ගාස්තු සංශෝධනයක් සිදු කිරීමට තමන් යෝජනා කර මහජන උපයෝගීතා කොමිසමට යොමු කර ඇති බවයි.

එහි ප්‍රතිඵලයක් මතයි එළඹෙන 18 සිට විදුලි ගාස්තු සංශෝධනයක් සිදු වන්නේ.