දමිළ සිනමාවේ ජනප්රිය රංගන ශිල්පියෙක් වන තලපති විජේ (Thalapathy Vijay) ශ්රී ලංකාවට පැමිණීමට නියමිතව තිබෙනවා.
ඉන්දීය මාධ්ය වාර්තා කළේ චිත්රපට රූගත කිරීමක් සඳහා ජනවාරි මස දෙවන සතියේදී ජනප්රිය රංගන ශිල්පියා ශ්රී ලංකාවට පැමිණෙන බවයි.
Venkat Prabhu ගේ අධ්යක්ෂණයෙන් රූගත කෙරෙමින් පවතින තලපති 68 (Thalapathy 68) චිත්රපටයේ දර්ශන සඳහා ඔහු මෙලෙස පැමිණීමට නියමිත අතර මෙතෙක් එහි රූගත කිරීම් සිදු කර තිබුණේ හයිද්රාබාද් නගරය කේන්ද්ර කර ගනිමින්.
කෙසේවෙතත් නව වසර උදාව සැමරීම වෙනුවෙන් අදාළ දර්ශණ ලබා ගැනීම් තාවකාලිකව නතර කර දැමීමටයි මේවන විට තීරණය කර ඇත්තේ.
යළිත් ජනවාරි දෙවන සතියේ එහි රූගත කිරීම් ශ්රී ලංකාවේ සිට ආරම්භ කිරීමට අධ්යක්ෂවරයා සැලසුම් කර තිබෙනවා.
තලපති 68 හි හයිද්රාබාද් දර්ශන කාලසටහන අවසන් වී ඇති අතර කණ්ඩායම කෙටි විවේකයක් ගෙන ඇති බවයි ඉන්දීය මාධ්ය වාර්තා කළේ. ක්රියාදාම චිත්රපටයක් වූ ‘ලියෝ’ ට පසුව, තලපති විජේ ඔහුගේ මීළඟ චිත්රපටය සඳහා අත්වැල් බැඳගෙන ඇත්තේ අධ්යක්ෂක වෙන්කට් ප්රභූ සමඟයි.
‘තලපති 68’ චිත්රපටයේ රූගත කිරීම් පසුගිය සති කිහිපය තුළ හයිද්රාබාද් හි චිත්රපට නගරයක සිදුවෙමින් පැවතුණා.
වත්මන් කාලසටහන සැලසුම් කළ කාලයට වඩා හොඳින් අවසන් කර ඇති අතර, කණ්ඩායම ඔවුන්ගේ පවුල් සමඟ අලුත් අවුරුද්ද සැමරීමට විවේකයක් ගැනීමට නියමිත බව සඳහන්.
‘තලපති 68’ චිත්රපටයේ මීළඟ දර්ශන ශ්රී ලංකාවේ සිදුවනු ඇති අතර, එය ජනවාරි දෙවන සතියේ ආරම්භ කිරීමට නියමිතයි.
වෙන්කට් ප්රභූ විසින් අධ්යක්ෂණය කරන ලද ‘තලපති 68’ කාල තරණය කරන සිදුවීම් ඇතුලත් චිත්රපටයක් ලෙස වාර්තා වනවා.
නව යොවුන් වියේ චරිතයක් ඇතුළත් ද්විත්ව භූමිකාවක විජේ පෙනී සිටිනු ඇති.
මීනක්ෂි චෞද්රි ප්රධාන කාන්තා නිළිය ලෙස රංගනයෙන් දායක වනවා.
