හිටපු ඉන්දීය පිතිකරණ පුහුණුකරු වික්‍රම් රතෝර් නැවතත් රාහුල් ඩ්‍රාවිඩ් සමඟ එක්ව සිය පුහුණුකරු භූමිකාවේ කටයුතු කිරීමට සූදානම් බවට තොරතුරු වාර්තා වනවා.
ඒ, රාජස්ථාන් රෝයල්ස් කණ්ඩායමේ සහාය කාර්ය මණ්ඩලයට එවෙමින්.
ඉන්දීය ජාතික කණ්ඩායමේ ප්‍රධාන පුහුණුකරු රාහුල් ඩ්‍රාවිඩ් මෙම මස මුලදී රාජස්ථාන් රෝයල්ස් කණ්ඩායමේ ප්‍රධාන පුහුණුකරු ලෙස පත් කෙරුණා.
එම පත් කිරීමෙන් අනතුරුවයි වික්‍රම් රතෝර් හට මෙම අවස්ථාව හිමිව ඇත්තේ.
මීට පෙර පන්ජාබ් කිංග්ස් හි පුහුණුකරුවෙක් ලෙස කටයුතු කර ඇති වික්‍රම් රතෝර්ගේ දෙවන IPL තරඟාවලිය 2025 තරගාවලිය වනු ඇති.
ඔහු මීට පෙර හිමාචල් ප්‍රදේශ්හි ක්‍රිකට් අධ්‍යක්ෂවරයා ලෙස ද කටයුතු කර තිබෙනවා.
“රාහුල් සමඟ නැවත වැඩ කිරීමට සහ දක්ෂ තරුණ ක්‍රිකට් ක්‍රීඩකයින් පිරිසක් සමඟ වැඩ කිරීමට ඇති අවස්ථාව අතිශයින් ප්‍රබෝධමත්” යනුවෙන් රතෝර් මෙම නව පත්වීමෙන් පසු අදහස් දක්වමින් සඳහන් කළා.
