මධ්‍යම කඳුකරයේ බොහෝ ප්‍රදේශවල මේ දිනවල පවතින වැසි රහිත වියළි කාලගුණය හේතුවෙන් වික්ටෝරියා ජලාශයේ ජල මට්ටම පතුලටම සිඳී ගොස් ඇතැයි වාර්තා වේ.
ජල විදුලිය නිෂ්පාදනය සඳහා ජලය මුදා හැරීම සඳහා සහ කෘෂිකාර්මික කටයුතු සඳහා ජලය ගබඩා කර ගන්නා ප්‍රධාන ජලාශයක් වන වික්ටෝරියා ජලාශයේ ජලය දිනකට ඝණ මීටර් ලක්ෂ ගණනින් සිඳියමින් පවතින බව මහවලි අධිකාරියේ උසස් නිලධාරියෙකු පැවසීය.
මේ වන විට වික්ටෝරියා ජලාශයේ ජල මට්ටම පහත වැටී පැරණි තෙල්දෙණිය නගරය මතු වීමට ආසන්නව පවතින අතර සිඳියමින් පවතින ජලාශය දැක ගන්නට විශාල පිරිසක් එන බවද ප්‍රදේශවාසීහූ පැවසුහ
