වෑන් රථයක් හා ජීප් රථයක් ගැටී 08කට තුවාල (ඡායාරූප)

පොලොන්නරුව හබරණ ප්‍රධාන මාර්ගයේ බටුඔය ප්‍රදේශයේ අද (24) දහවල් වෑන් රථයක් හා ජීප් රථයක් මුහුණට මුහුණ ගැටී අනතුරක් සිදුවුණා.

බටුඔය ප්‍රදේශයේදී සිදුවූ මෙම අනතුරෙන් තුවාල ලැබූ අට දෙනකු හබරණ රෝහලට ඇතුළත් කර ඇති අතර ඔවුන් සියලු දෙනා වෑන් රථයේ ගිය අයයි.

වෑන් රථය කොළඹ සිට එරාවුර් බලාත් ජීප් රථය පොළොන්නරුවේ සිට හබරණ දක්වාත් ධාවනය වෙමින් තිබෙන අතරතුර මේ අනතුර සිදුවී තිබුණා.

අනතුර සිදුවන අවස්ථාවේ දී වෑන් රථයේ කුඩා ලමුන් හතරදෙනකු කාන්තාවන් තිදෙනෙකු සහ පිරිමි පුද්ගලයෙකු සිට ඇති බව පොලිසිය පැවසුවා.

ජීප් රථයේ රියදුරු අත්අඩංගුවට ගෙන තිබෙනවා.