වැසිකිළි වළක් කාන්තාවක් බිලි ගනියි

අනාරක්ෂිත වැසිකිළි වළකට වැටී කාන්තාවක් ජීවිතක්ෂයට පත් ව තිබෙනවා.

මෙම අනතුර සිදු ව ඇත්තේ ගාල්ල – නාගොඩ පොලිස් වසමේ මාපලගම – කොළඹකඩය ප්‍රදේශයේ දි යි.

මියගිය කාන්තාව අද උදෑසන මරණයට පත් ව ඇත්තේ සිය මවගේ නිවසේ මිදුල අතුගාමින් සිටියදියි.

ඇය ඊයේ පස්වරුවේ මාපලගම පිහිටි සිය මහගෙදරට පැමිණ ඇති බවත්, අද උදෑසන මිදුල අතුගාමින් සිටියදී අනාරක්ෂිත ව කැපූ වැසිකිළි වළක් මතින් ඇවිද යාමේ දී මෙම අනතුරට ලක් ව ඇති බවත් වාර්තා වනවා.

මෙලෙස මියගොස් ඇත්තේ 37 හැවිරිදි එක් දරු මවක්.

සිද්ධිය සම්බන්ධයෙන් නාගොඩ පොලිස් විමර්ශන ක්‍රියාත්මකයි.