ශ්රී ලංකාව සහ සංචාරක ඉන්දීය කණ්ඩායම අතර පැවති දෙවන විස්සයි විස්ස තරගය ඩක්වත් ලුවිස් න්යායට අනුව ජයගන්නට ඉන්දීය කණ්ඩායමට අද (28) හැකියාව ලැබුණා.
තරගයේ පිළිතුරු ඉනිමට වර්ෂාවෙන් බාධා එල්ලවීම හේතුවෙන් ජයග්රහණය සදහා පන්දුවාර 08ක් තුළ ලකුණු 78ක ඉලක්කයක් ඩක්වත් ලුවිස් න්යායට අනුව ඉන්දීය පිළට හිමි වුණා.
එම ඉලක්කය පන්දුවාර 06යි පන්දු 03ක් තුළ කඩුලු 03ක් පමණක් දැවී පසුකර ගිය ඉන්දීය කණ්ඩායම දෙවන විස්සයි විස්ස තරගය කඩුලු 07කින් ජයග්රහණය කළා.
මෙම ජයත් සමග තරග තුනකින් සමන්විත විස්සයි විස්ස තරගාවලිය තවත් එක් තරගයක් ඉතිරිව තිබියදීම ඉන්දීය කණ්ඩායම ජයග්රහණය හිමිකර ගත්තා.
