මරදන්කඩවල -පෙරියකුලම වැවේ දියේ ගිලී තිබුණු පුද්ගල මළසිරුරක් සොයාගෙන තිබෙනවා.
අප ප්රාදේශීය වාර්තාකරු පැවසුවේ; ඊයේ (08) පස්වරුවේ කළ සෝදිසි මෙහෙයුමක දී මෙම පුද්ගල මළසිරුර සොයා ගත් බව මරදන්කඩවල පොලිසිය පැවසූ බවයි.
පොලිසියට ප්රදේශවාසීන්ගෙන් ලද තොරතුරකට අනුව මෙම මෙහෙයුම සිදු කර තිබෙනවා.
මෙලෙස මිය ගොස් ඇත්තේ පේරාදෙණිය – අගුණාවල ප්රදේශයේ පදිංචි සිටි පණ්ඩිතරත්න වාසල මුදියන්සේලාගේ චින්තක රසික බණ්ඩාර නමැති 35 හැවිරිදි විවාහක පුද්ගලයකු බවට හෙළි ව තිබෙනවා.
මියගිය පුද්ගලයා කැකිරාව – ඔළුකරද ප්රදේශයේ පිහිටි සිය බිරිඳගේ නිවසේ සිට දිය නෑම සඳහා ත්රීරෝද රථයකින් පෙරියකුලම වැවට පැමිණ ඇති බවටයි හෙළි ව ඇත්තේ.
මේ වනවිට ගොඩගෙන ඇති මළසිරුර පවුලේ ඥාතීන් විසින් හඳුනාගෙන ඇති අතර එම මරණය දියේ ගිලීමෙන් සිදු වූවක් විය හැකි බවට පොලිසිය අනුමාන කරනවා.
සිද්ධිය සම්බන්ධයෙන් පොලිස් විමර්ශන ක්රියාත්මකයි.
