වැලි ප්රවාහනය කළ ටිපර් රථයක් අනතුරකට ලක්වීමෙන් රථ වාහන ගමනාගමනයට බාධා එල්ල වී තිබෙනවා.
මහියංගනයේ සිට තලවකැලේ දක්වා වැලි ප්රවාහනය කළ ටිපර් රථයක් අනතුරට පත්වීමෙන් එම ටිපර් රථයේ වැලි ප්‍රධාන මාර්ගය හරහා විසිරීමෙන් රථ වාහන ගමනාගමනයට බාධා පැමිණ ඇති බවයි නානුඔය පොලිසිය පැවසුවේ.
මෙම අනතුර සිදු ව ඇත්තේ අද (24) පෙරවරුවේ තලවකැලේ – නුවරඑළිය ප්‍රධාන මාර්ගයේ නානුඔය
ඩෙස්පොඩ් ප්‍රදේශයේ දී බවයි වාර්තා වන්නේ.
ධාවනය වෙමින් තිබූ ටිපර් රථයේ හදිසියේ ඇති වූ කාර්මික දෝෂයක් හේතුවෙන් ටිපර් රථය රියදුරු පාලනයෙන් මිදී ඉදිරියට ඇදී ගොස් මාර්ගය අබියස පිහිටි කන්දක ගැටී පෙරළී ගොස් තිබෙනවා.
ටිපර් රථය අනතුරට පත්වන අවස්ථාවේ එහි වැලි කියුබ් තුනක් පමණ ප්රවාහනය කරමින් සිට ඇති බවයි පැවසෙන්නේ.
අනතුරෙන් කිසිවෙකුටත් තුවාල සිදු වී නොමැති අතර වැලි විසිරීම හේතුවෙන් මාර්ගයේ රථ වාහන ධාවනයට බාධා එල්ල වී තිබෙනවා.
