වැලිගම නගරයෙන් අතුරුදහන් වූ පාසල් දැරියන් දෙදෙනෙක් නුගේගොඩ ප්රදේශයේ මාර්ගයක සැරි සරමින් සිටිය දී මිරිහාන පොලිසිය විසින් සොයාගෙන තිබෙනවා.
මෙලෙස හමුව ඇත්තේ වයස අවුරුදු 07 සහ 14 යන වයස්වල පසු වූ දැරියන් දෙදෙනෙක්.
එම දැරියන් දෙදෙනා පසුගිය 26 දින පෙරවරුවේ වැලිගම ප්රදේශයේ පිහිටි නිවසින් පිටව ගොස් ඇති බවටයි අවසන් වරට තොරතුරක් වාර්තා වී ඇත්තේ.
එම අවස්ථාවේ දී ඔවුන්ගේ මව අසනීප තත්ත්වයක් හේතුවෙන් රෝහල් ගතව සිට ඇති අතර, පියා රැකියාවට ගොස් නිවසට පැමිණ නිදා සිට ඇති බව සඳහන්.
දැරියන් දෙදෙනාගේ සහෝදරයෙකු ද රැකියාවට ගොස් සිට ඇති අතර, ඔහු නිවසට පැමිණෙන සිය සහෝදරියන් දෙදෙනා නිවසේ නොමැති බව දැනගැනීමෙන් අනතුරුව ඒ පිළිබඳව සොයා බලා පසුව වැලිගම මූලස්ථාන පොලිසිය වෙත පැමිණිලි කර තිබෙනවා.
අනතුරුව දැරියන් දෙදෙනා සොයා පොලිස් විමර්ශන අරඹා ඇති අතර, දැරියන් දෙදෙනාගේ තොරතුරු දිවයින පුරා පිහිටි පොලිස් ස්ථාන වෙත දැනුම්දීමට පියවර ගෙන ඇති බවයි වාර්තා වුණේ.
මේ අතර කුඩා දැරියන් දෙදෙනෙක් නුගේගොඩ හතේ කණුව අසළ දී ත්රී රෝද රථයකට නැගීමට උත්සාහ ගත් අවස්ථාවේ දී ඒ අසළ සිටි කාන්තාවක් මේ පිළිබඳව මිරිහාන පොලිසියට දැනුම් දී තිබෙනවා.
ඒ,අනුව එම දැරියන් දෙදෙනා පොලිස් භාරයට ගෙන මිරිහාන පොලිසියේ ළමා හා කාන්තා කාර්යාංශය වෙත යොමු කර ඇති බවයි වාර්තා වන්නේ.
අනතුරු මෙම දැරියන් දෙදෙනා වැලිගම ප්රදේශයෙන් අතුරුදන් වූ දැරියන් බවට හඳුනාගෙන ඇති අතර, ඔවුන් වැලිගම සිට බස් රථයක නැගී නුගේගොඩ ප්රදේශයට පැමිණ ඇති බවයි අනවරණය වී ඇත්තේ.
පොලිස් භාරයට ගත් දැරියන් දෙදෙනාගෙන් ප්රකාශ සටහන් කරගැනීමෙන් අනතුරුව කළුබෝවිල අධිකරණ වෛද්ය නිලධාරි වෙත ඉදිරිපත් කර පසුව ඔවුන් කළුබෝවිල රෝහලට ඇතුළත් කර තිබෙනවා.
ඔවුන් දෙදෙනා මේ වන විට එම රෝහලේ නේවාසිකව ප්රතිකාර ලබමින් සිටින බවයි පොලිසිය සඳහන් කළේ.
