රාජගිරිය, මැද වැලිකඩ පාර ප්රදේශයේ පිහිටි ස්ථානයක දී විදෙස් ජාතිකයින් 120කට ආසන්න ප්රමාණයක් පොලිසිය විසින් අත්අඩංගුවට ගෙන තිබෙනවා.
ආගමන හා විගමන නීති උල්ලංඝණය කරමින් නීති විරෝධී මූල්ය ජාවාරම් සහ නීතිවිරෝධී ක්රියාකාරකම් සිදුකිරීම් හේතුවෙන් මෙම පිරිස අත්අඩංගුවට ගෙන ඇති බවයි වාර්තා වුණේ.
මෙලෙස අත්අඩංගුවට ගැනුණු විදෙස් ජාතිකයින් අතර චීන, මැලේසියා, වියට්නාම, පිලිපීන, තායිලන්ත, කාම්බෝජය, මැඩගස්කර් වැනි රටවල අයවලුත් සිටිනවා.
ඔවුන් සතුව තිබූ පරිගණක සහ ජංගම දුරකතන රැසක් ද පොලිස් භාරයට ගෙන තිබෙනවා.
මෙම සැකකරුවන් පිරිස මැද වැලිකඩ පාරේ පිහිටි මහල් නිවාසයක මහල් කිහිපයක් කුලී පදනම මත ලබාගෙන එහි නැවතී සිට නීති විරෝධී මූල්ය ජාවාරම් සිදුකර ඇති බවයි අනාවරණය වී ඇත්තේ.
මෙම සැකකරුවන් අත්අඩංගුවට ගන්නා අවස්ථාවේදී මොවන්ගෙන් පිරිසක් පලාගොස් ඇති අතර, ඔවුන්ව අත්අඩංගුවට ගැනීමට විමර්ශන ක්රියාත්මකයි.
