පසුගිය රාජ්‍ය පාලන සමයේ දී වැඩ තහනමට ලක් වූ ලංකා විදුලිබල මණ්ඩලයේ සේවකයින් වරප්‍රසාද සහිත ව සේවයේ නැවත පිහිටුවා තිබෙනවා.
විදුලිබල මණ්ඩලය කොටස් කර විකිණීමට එරෙහිව පසුගිය ජනවාරි මාසයේ පැවැත්වූ සේවක උද්ඝෝෂණයට සහභාගී වූ බවට පවසමින් වැඩ තහනම් කර මර්දනයට මෙම පිරිස ලක් කෙරුණා.
පසුව නව රජය යටතේ එම සේවකයින් 62 දෙදෙනකු යළි සේවයේ පිහිටවමින්; අහිමි වූ වරප්‍රසාද යළි ලබාදීම, දඬුවම් මාරු අවලංගු කිරීම ආදිය ඉවත් කර ඇති බවයි වාර්තා වන්නේ.
බලශක්ති අමාත්‍ය ඉංජිනේරු කුමාර ජයකොඩි මහතාගේ විශේෂ නියෝගයකින් මෙය සිදු කෙරුණු අතර එම සේවකයෝ අද දින (24) ලංකා විදුලිබල මණ්ඩල මූලස්ථානයේ දී අමාත්‍යවරයා මුණගැසුණා.
අමාත්‍යවරයාගේ විදුලිබල මණ්ඩල මූලස්ථාන නිරීක්ෂණ චාරිකාවේ එක් අංගයක් ලෙස එම සේවකයින් පිරිස හමු වූ අතර එහිදී කරුණු දැක්වූ අමාත්‍ය ඉංජිනේරු කුමාර ජයකොඩි මහතා විදුලිබල මණ්ඩලයේ සේවකයින් ආයතනයට වැදගත් සම්පතක් කොට සලකන බවත් ආයතනය රැකගැනීම වෙනුවෙන් උද්ඝෝෂණය කළ වෙනුවෙන් ක්‍රියාත්මක වන්නට ලැබීම සතුටක් බවත් ප්‍රකාශ කර සිටියා.
පසුගිය රජය රටේ දේපළ රිසි සේ විකුණා දැමීම පිණිස ගත් වැඩපිළිවෙළ් පරාජය කිරීමට ලැබීම මේ රටේ ජනතාව ලැබූ ජයග්‍රහණයක් බවත්; ජාතික ජනබලවේග නව රජය මේ රටේ ජාතික සම්පත් රැකගැනීම අරමුණු කරගත් රජයක් බවත්; ආයතනය රැකගනිමින් දියුණු කරගැනීමට කටයුතු කරන්නට සියලු දෙනා සාමූහිකව එක්ව කටයුතු කළ යුතු බව ද අවධාරණය කළා.
කජු සංස්ථාව විකුණන්න බැරිද?