ජ්‍යේෂ්ඨ පුරවැසියන් සඳහා ආයතනගත රැකවරණය සපයන මධ්‍යස්ථාන නියාමනය කිරීම සඳහා නව නියෝග හා මාර්ගෝපදේශ මාලාවක් හඳුන්වා දී තිබෙනවා.
මෙම නියෝග හා මාර්ගෝපදේශ සකස් කර ඇත්තේ ජාතික වැඩිහිටි මහ සභාවේ උපදෙස් හා මඟපෙන්වීම අනුව ජාතික වැඩිහිටි මහලේකම් කාර්යාලය විසින්.
ඒවා විෂය භාර අමාත්‍ය උපාලි පන්නිල වෙත පසුගිය ඔක්තෝබර් පළමු වනදාට යෙදී තිබූ ජාත්‍යන්තර වැඩිහිටි දිනය නිමිත්තෙන් පන්නල නෙදර්ලන්ත-වෙල්කම් විලේජ් පරිශ්‍රයේදී පිළිගන්වනු ලැබුවා.
රාජ්‍ය, පෞද්ගලික, රාජ්‍ය නොවන සහ ස්වේච්ඡා සංවිධාන මගින් පවත්වාගෙන යන සියලුම ජ්‍යේෂ්ඨ පුරවැසි රැකවරණ මධ්‍යස්ථාන ජාතික වැඩිහිටි මහලේකම් කාර්යාලයේ අනිවාර්යයෙන් ලියාපදිංචි විය යුතු බවයි එහිදී අමාත්‍යවරයා අවධාරණය කළේ.
එම මධ්‍යස්ථානවල සේවා ප්‍රමිතිය ඉහළ නැංවීම සඳහා හඳුන්වා දී ඇති නව නියෝග හා මාර්ගෝපදේශ අනුව කටයුතු කිරීමද අනිවාර්ය වනවා.
