වාද්දුව දුම්රිය ස්ථානයත් පින්වත්ත දුම්රිය ස්ථානයත් අතර වාද්දුව තල්පිටිය ප්රදේශයේ දී දුම්රිය මාර්ගය හරහා අපරික්ෂාකාරී ලෙස කාර් රථයක් ඇතුල් කිරීමට උත්සාහ කිරීමේ දී දුම්රියේ ගැටී අනතුරක් සිදුව තිබෙනවා.
අනතුරින් කාර් රථයේ සිටි එක් පුද්ගලයෙක් තුවාල ලබා පානදුර මූලික රෝහල් ඇතුළත් කර ඇති බවයි වාර්තා වන්නේ.
මෙම අනතුර හේතුවෙන් මුහුදුබඩ දුම්රිය මාර්ගයේ වාද්දුව දුම්රිය ස්ථානයත් පින්වත්ත දුම්රිය ස්ථානයත් අතර දුම්රිය ධාවනය එක් මංතීරුවකට සීමාකොට තිබෙනවා.
අද (02) උදෑසන 04.05ට පමණ මෙම අනතුර සිදු වී ඇති අතර අලුත්ගම සිට රඹුක්කන දක්වා ධාවනය වන මන්දගාමී දුම්රියේ මෙම කාර් රථය ගැටී තිබෙනවා .
මෙම කාර් රථයේ පුද්ගලයින් සිව් දෙනෙක් ගමන්කර ඇති බව පොලිසිය පවසනවා.
