මහජන සෞඛ්‍ය පරීක්ෂකවරුන් ලෙස පෙනී සිටිමින් ව්‍යාපාරවලින් කප්පම් ලබාගන්නා පිරිසක් පිළිබඳ ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමය විසින් තොරතුරු අනාවරණය කරනවා.
මහජන සෞඛ්‍ය පරීක්ෂකවරුන්ගේ සංගමයේ ලේකම් චමිල් මුතුකුඩ පවසන්නේ මෙම පිරිස ව්‍යාපාරිකයන්ට දුරකථනයෙන් අමතා මහජන සෞඛ්‍ය පරීක්ෂකවරුන් ලෙස පෙනී සිටිමින් ඔවුන්ගෙන් කප්පම් ලබා ගන්නා බවයි.
ලේකම්වරයා ව්‍යාපාරිකයන්ගෙන් ඉල්ලා සිටියේ මෙවැනි වංචාවලට හසු නොවන ලෙසයි.
මෙවැනි සිදුවීම් සම්බන්ධයෙන් අදාළ බලධාරීන්ට වාර්තා කරන ලෙසට ද ලේකම්වරයා ව්‍යාපාරිකයින්ගෙන් ඉල්ලා සිටිනවා.
