Rajapura Handi Oil
Rajapura Diabetic Powder

ව්‍යාජ මුදල් නෝට්ටු මුද්‍රණය කළ සැකකරුවෙක් එම නෝට්ටු සමඟ මාට්ටු

මිරිහාන පොලිස් වසමේ කෝට්ටේ පාර ප්‍රදේශයේදී ඊයේ (08) දින උදෑසන බස්නාහිර පළාත දකුණ දිසා අපරාධ කොට්ඨාසයේ නිලධාරීන් කණ්ඩායමක් විසින් ලද තොරතුරක් මත සන්නිවේදන මධ්‍යස්ථානයක වැටලීමක් සිදුකර ව්‍යාජ ලෙස මුද්‍රණය කර තිබූ මුදල් නෝට්ටු හා ඒ සඳහා යොදා ගත් උපකරණ සමඟ සැකකරුවෙකු අත්අඩංගුවට ගෙන තිබෙනවා.

සැකකරු අවුරුදු 53 ක් වන පිටකෝට්ටේ ප්‍රදේශයේ පදිංචිකරුවෙක්.

සැකකරු සන්නිවේදන මධ්‍යස්ථානයේ හිමිකරු වන අතර අත්අඩංගුවට ගත් නඩු භාණ්ඩ අතර ව්‍යාජ රුපියල් 5,000/- මුදල් නෝට්ටු 07 ක්, රුපියල් 1,000/- මුදල් නෝට්ටු 06 ක්, රුපියල් 500/- මුදල් නෝට්ටු 01 ක්, පරිගණක යන්ත්‍ර 01 ක්, ස්කෑන් යන්ත්‍ර 01 ක්, ප්‍රින්ටර් යන්ත්‍ර 01 ක්, ෆෙන් ඩ්‍රයිව් 01 ක්, පේපර් කටර් 01 ක් හා අඩිරූල 01 ක් බවයි පොලිසිය සඳහන් පවසන්නේ.

සැකකරු අද (09) දින නුගේගොඩ මහේස්ත්‍රාත් අධිකරණයට ඉදිරිපත් කිරීමට නියමිත අතර බස්නාහිර පළාත දකුණ දිසා අපරාධ කොට්ඨාසය විසින් වැඩිදුර විමර්ශන කටයුතු සිදුකරනු ලබනවා.