ව්යාජ අංක තහඩු සහිත යතුරුපැදියකින් හෙරෝයින් ග්රැම් 25 ක් සන්තකයේ තබාගෙන ප්රවාහනය කරමින් සිටි පුද්ගලයෙකු සහ කාන්තාවක් ඊයේ (05) දින එඩෙිරමුල්ල පොලිස් වසමේ අක්බාර් ටවුන් ප්රදේශයේ නිවසක් ඉදිරිපිට මාර්ගයේ සිදුකළ වැටලීමකදී අත්අඩංගුවට ගෙන තිබෙනවා.
අත්අඩංගුවට ගත් පුද්ගලයා වැල්ලම්පිටිය ප්රදේශයේ පදිංචි 39 හැවිරිදි අයෙක් වන අතර කාන්තාව 43 හැවිරිදි වියේ පසුවෙයි.
එහිදී අත්අඩංගුවට ගත් ජංගම දුරකථන 02ක්, විදේශ ගමන් බලපත්ර 02ක්, ඩිජිටල් විද්යුත් තරාදියක් සහ යතුරුපැදියේ ව්යාජ අංක තහඩුව වැඩිදුර විමර්ශන කටයුතු සඳහා එඩෙිරමුල්ල පොලිස් ස්ථානය වෙත භාර දී තිබෙනවා.
මෙම සැකකරු 2023.11.26 වන දින විශේෂ මෙහෙයුම් III කණ්ඩායමේ නිලධාරීන් කණ්ඩායමක් විසින් වැල්ලම්පිටිය ප්රදේශයේ දී නීති විරෝධී මත්ද්රව්යක් වන මෙත්ඇම්පිටමයින් ක්රිස්ටල් හෙවත් අයිස් මත්ද්රව්ය ග්රෑම් 100ක් සන්තකයේ තබා ගෙන සිටියදී 2023.11.26 වන දින අත්අඩංගුවට ගෙන වැඩිදුර විමර්ෂණ කටයුතු සදහා වැල්ලම්පිටිය පොලිස් ස්ථානය වෙත ඉදිරිපත් කර තිබුණා.
අනතුරුව 2023.11.27 වන දින වැල්ලම්පිටිය පොලිසිය මගින් මෙම සැකකරු කොළඹ ප්රධාන මහෙස්ත්රාත් අධිකරණයට ඉදිරිපත් කිරිමෙන් අනතුරුව රක්ෂිත බන්ධනාගාර ගතකර තිබෙනවා.
මෙම නඩුව 2023.12.28 වන දින කැදවු අවස්ථාවේ මෙම සැකකරු විසින් අධිකරණය නොමග යවමින් ව්යාජ තොරතුරු ඉදිරිපත් කර රු. 8,000.00ක දඩ මුදලකටයටත්ව නිදහස්ව ඇති අතර පසුව මෙම නඩුව 2024.02.29 දින කැදවු අවස්ථාවේ අධිකරණය මගින් මෙම සැකකරු 2024.05.16 වන දිනට පෙර අත්අඩංගුවට ගෙන අධිකරණයට ඉදිරිපත් කරන ලෙසට වැල්ලම්පිටිය පොලිස් ස්ථානය වෙත අධිකරණ නියෝගයක් ලබාදි තිබී ඇති බවට අනාවරණය වී තිබෙනවා.
