උතුරු වසිරිස්තාන් දහස් ගණන් ගෝත්‍රිකයෝ වීදි බැස, තම කලාපය තුළ නොනවතින අවනීතිය, ඉලක්ක කරගත් ඝාතන සහ මිලිටරි මෙහෙයුම්වලට එරෙහිව විරෝධය පළ කළා.
මෙම විරෝධතාව සංවිධාන කර තිබුණේ ගෝත්‍රික ප්‍රජාව වෙනුවෙන් පිහිටුවා ගත් සංවිධාන සහ දිස්ත්‍රික්කයේ දේශපාලන පක්ෂ කිහිපයක් ඒකාබද්ධවයි.
රැලියට සහ ඉන් අනතුරුව පැවති රැස්වීමට දේශපාලන පක්ෂ නායකයින්, කම්කරුවන් සහ මහජනතාව ඇතුළු දහස් සංඛ්‍යාත ජනතාවක් සහභාගී වූ බව පාකිස්තාන මාධ්‍ය වාර්තා කළා.
විරෝධතාවට සමගාමීව දිස්ත්‍රික්කයේ ඇතැම් ප්‍රදේශවල වැඩවර්ජන ද ක්‍රියාත්මක කෙරුණා.
සාමය රාජ්‍යයේ වගකීම බවත් ආයතන තම වගකීම් ඉටු කළ යුතු බවත් ඔවුන් අවධාරණය කළා.
